泓 (已結業)

又到Weekend 要食番好野獎勵下自己，中午帶同事去試下公司附近鐵板燒《泓》食番個Lunch!呢到Lunch可以話平民價，268已經可以享受海鮮套餐，今日同朋友一人簡咗兩款唔同套餐！日本帶子，鐵板燒帶子絕對係絕配，帶子鮮甜多汁，鮮三文魚燒得皮脆肉嫩；比目魚肉質細嫩潔白，味道較濃郁且油分多，口感更為嫩滑，呢餐滿滿既蛋白質 另外升級咗美國安格斯西冷同牛柳，幼嫩中帶少許咬口，牛肉味道香濃，蘸上少許岩鹽作調味已經滋味無限黄金炒飯，用咗日本珍珠米炒至粒粒金黃乾身，配帶少許什菜，簡簡單單已經食得好滋味！炒什菜有芽菜椰菜等等，最後捧上麵豉湯及果物，果物係時令哈蜜瓜🍈