euro go go (已搬遷) 新店位置

我承認我食野真係好慢 同朋友2點幾黎到，好好彩有兩個位，即刻坐低先！朋友先點 番茄蘑菇意粉配番茄湯加沙律，加點香蕉班戟沒有影相，沒有品嚐，不評論太多總之賣相討好，朋友將其清光 我食咩？ 芝士薯蓉配番茄湯加$6要多個細既番茄湯通粉唔好睇細細份！真係好飽肚！！我食完到7點幾都未想食晚餐 番茄湯好濃，唔會有好水既感覺 通粉係有坑粉個種，食落理應有好彈牙既感覺......不過，因為我真係食太慢，而且又掛住傾 飲完湯，食埋薯蓉，醒起側邊個通粉.....噢 食落已經冧曬.....不過！！湯底依然有陣陣香草味！！下次我會專心食野