影片
更多
2023-05-27
658 瀏覽
山 Yama📍銅鑼灣耀華街38號The Zing!15樓本篇為中篇，主要介紹天ぷら盛り合おせ (天婦羅定食)同甜品草莓大福拿破崙。 💰$288天ぷら盛り合おせ 🍤🍱 💰$728寿司盛り合おせ12貫+1卷物 🍣Sushi Platter 12 Pieces + 1 Roll12貫嘅壽司按濃淡度整齊咁排列喺一個白色，望落好似一舊雲嘅壽司盤上面，店員提醒我哋要由最淡味嘅魚開始食起，另一端就放咗一啲師傅自家製嘅配菜，包括蒜頭漬、薑片、牛蒡同紅蔥頭。四款入邊我最推介頭兩款，蒜頭口感爽脆，由於係師傅自家醃製，所以連店員都唔知道醬汁嘅秘方！而薑片混合咗柚子皮，甜酸微辣，可以喺食完魚生後清除口中嘅魚味，為食下一件做好準備。所有食到嘅壽司飯都係用山產越光米配以適量嘅醋製成，顏色呈淺啡，味香但飯量唔算多。壽司款式實在太多，以下落嚟我會揀幾件令我哋印象深刻嘅介紹俾大家：其餘嘅壽司有：真鯛、右口魚、章紅魚、北海道帆立貝、深海池魚、煙燻鰤魚、天金目鯛，大家不妨親身品嘗一下廚師發辦嘅滋味啦！甘蝦 🦐甘蝦比一般甜蝦大隻肥美，口感有少少黏黏哋，係我鍾意嘅甜蝦口感。上面放滿蝦膏，新鮮嘅蝦膏味道果然更勝一籌，甘甜鮮味填滿
📍銅鑼灣耀華街38號The Zing!15樓
本篇為中篇，主要介紹天ぷら盛り合おせ (天婦羅定食)同甜品草莓大福拿破崙。
[價錢 Price]
💰$288
天ぷら盛り合おせ 🍤🍱
[價錢 Price]
💰$728
寿司盛り合おせ12貫+1卷物 🍣
Sushi Platter 12 Pieces + 1 Roll
12貫嘅壽司按濃淡度整齊咁排列喺一個白色，望落好似一舊雲嘅壽司盤上面，店員提醒我哋要由最淡味嘅魚開始食起，另一端就放咗一啲師傅自家製嘅配菜，包括蒜頭漬、薑片、牛蒡同紅蔥頭。四款入邊我最推介頭兩款，蒜頭口感爽脆，由於係師傅自家醃製，所以連店員都唔知道醬汁嘅秘方！而薑片混合咗柚子皮，甜酸微辣，可以喺食完魚生後清除口中嘅魚味，為食下一件做好準備。
所有食到嘅壽司飯都係用山產越光米配以適量嘅醋製成，顏色呈淺啡，味香但飯量唔算多。
壽司款式實在太多，以下落嚟我會揀幾件令我哋印象深刻嘅介紹俾大家：
其餘嘅壽司有：真鯛、右口魚、章紅魚、北海道帆立貝、深海池魚、煙燻鰤魚、天金目鯛，大家不妨親身品嘗一下廚師發辦嘅滋味啦！
甘蝦 🦐
甘蝦比一般甜蝦大隻肥美，口感有少少黏黏哋，係我鍾意嘅甜蝦口感。上面放滿蝦膏，新鮮嘅蝦膏味道果然更勝一籌，甘甜鮮味填滿口腔，好想食多幾嚿！
醋鯖魚 🍣
醋鯖魚一般嚟講比較腥，但呢嚿醋鯖魚，有紫蘇葉、青瓜絲同黃瓜絲去鹹去腥，用紫菜卷住一啖食好方便！
北海道鹽水海膽 🍣
馬糞海膽就食得多，北海道鹽水海膽真係第一次。學日文嘅朋友曾經講過如果想嚐海膽嘅鮮味一定要去日本食，因為送到嚟香港嘅大多都唔新鮮。未食呢嚿壽司之前真係非常認同，因為我食過最好味嘅海膽就係日本旅行時訂嘅一板馬糞海膽，喺香港食過嘅一係無味、一係份量好少、一係好腥。但呢一度嘅鹽水海膽令我一食就合上雙眼，細味口中海
北海道毛蟹 🦀
選用北海道毛蟹拆肉而成，壽司飯混有蟹膏，蟹鮮肉嫩，食完齒頰留香。
大拖羅 🍣
一般都唔鍾意食吞拿魚刺身和壽司，因為覺得魚腥味好重，某啲部位仲會好韌好多筋，但呢個大拖羅無丁點魚腥味，而且無筋，一啖食晒好滿足。
厚燒玉子 🍳
玉子喺後廚自家製，偏濕潤，蛋身有一定厚度，蛋味唔算香濃，但勝在口感綿密，的確係心機之作。
拖羅蓉手卷 🍣
朋友最愛嘅手卷，用好脆口嘅紫菜卷住滿滿嘅拖羅蓉，一啖咬落油香溢出，除咗拖羅嘅香味，仲食到醃黃蘿蔔、青瓜絲、京蔥等等，真係齒頰留香！
甘鯛立鱗燒 🐟
呢道菜靚得像藝術品，連皮嘅鯛魚炸得香口，但魚肉仍然非常嫩滑，魚肉一疏疏同無骨，食落啖啖魚脂，非常高水準。造型方面，我覺得佢睇落好似一朵花，師傅將連鱗嘅魚皮炸得酥脆，令片片魚鱗炸到豎起，咬嘅時候會聽到「索索聲」，連埋伴碟嘅鮮花瓣同綠色配菜，真係好似一朵開得好燦爛嘅花，又靚又好食！
不得不提放喺底部嘅黑松露醬，佢嘅texture好creamy，重奶味，黑松露味濃而不搶戲，無論係點魚肉定魚皮食都一樣咁夾！
張貼
