金源小館 (已結業)

夜收工，食埋宵夜先返歸，上次食大發，今次試埋對面既金源，午市人太多，係灣仔好幾年工作都未試過，又試下這裡的水準。一坐底都未決定食咩，阿姐已經推介山東燒雞，咁就要隻山東燒雞。要點送酒，要個椒鹽九肚魚，加多個琵琶豆腐，宵夜黎講都好豐富下。山東燒雞話咁快就上枱，雞本身無咩味，得個滑字，個味靠的係個特別調教既汁，少少鹹，不太特別，不過都係正常水準。椒鹽九肚魚，仲以為自己叫錯，九肚魚幾大條下，炸功就好一般，普遍係外脆內腍，不過都有一少部份係內外都腍，麻麻地既椒鹽九肚魚。琵琶豆腐，唔係一味好大堆汁既琵琶豆腐，這個反而做得唔錯，炸得金黃色，正正常常的一味。埋尾送碗豆腐花，有微微既豆香，都可以的。唔太貴，都可以一試的地方。