山止川行 (已結業)

餐廳喺SOGO隔離，新商廈亨環2樓，裝修用咗好多中華四川元素，餐具亦都好靚。坐得舒服，亦都食得舒服😌我哋叫咗幾個拿手小菜，同埋最出名嘅酸辣魚😏，火鍋就下次先再試啦😏酸菜桂花魚🐟桂花魚小骨，再配上熱油，食落去滑嘟嘟，又多肉🤤。其他配菜一啲都唔馬虎，有大量嘅酸菜，土豆絲😲咕嚕肉🐖佢哋嘅咕嚕肉，係先用油炸，將肉塊鎖住係脆皮之中。所以食落去格外香口，搬埋佢哋特製嘅咕嚕酸甜醬，送飯啱晒😋紅糖流心糍粑🥹呢個係我食過，最好食嘅糯米甜品。外表係鬆脆嘅糯米皮，入邊就係香甜嘅紅糖餡🤤燉湯🥣用咗上等嘅排骨，令湯熬得好入味，又清甜。