山止川行 (已結業)

之前試過HIKA，非常難忘熊本天草大王雞，一直想再去，但朋友C小姐話我知，原來老闆輝哥開左間四川火鍋，同樣有得食天草大王雞。然後佢話我知咩名之後，我先記得W小姐同我大讚呢度嘅牛肉，同有愛辣嘅W都話佢嘅辣非常難忘。於是約幾個愛辣嘅朋友一齊去，一齊感受下佢牛同辣有幾好。先飲一口正宗四川麻辣湯，真係幾正宗，同我剛剛係成都食差唔多感覺。前菜蔥油海蜇頭，個海蜇頭爽到不得之了。紅油蒜泥白肉係我喜歡嘅辣度，四川臘腸夠特別，好少係外面見到。黃金炸魚皮炸得幾好，係唔錯嘅佐酒小食。朋友點左招牌辣子雞，我覺人幾鐘意個味，不過我就覺得大件少少嘅雞會開心d。安格斯牛小排牛味濃，但都不及主場嘅手切本地鮮肥牛，呢碟真心牛味四射，而且質感好。冰川鵝腸，送辣就一流。熊本天草大王雞上次食過，今次再遇上，幾十秒就得，試到那種唔同嘅質感。黑毛肚，成都老豆腐都係有點係成都食過個種好爽嘅感覺，特別豆腐個煙燻香味。最後食多少少菜同麵，送下啲火鍋料剛剛好，特別係窩筍片。豆沙鍋餅非常好，係食過嘅頭幾位，紅糖糍粑同平常食都唔同。同輝一樣，係其菜式領域都會有少少唔同，今次輝師傅選擇搞川菜，的確係我無想過嘅一步，係幾驚喜的。