鍋點

營業中

休息中

早排去K11 MUSEA SHOPPING行到餓又唔知食咩好，見下面有個幾靚既FOOD COURT，餐廳種類都幾多。當日想食飯見到呢個有小小FUSION又吸引就試試佢。 餐廳主打飯同湯水，種類偏中式但加入左唔同既配料或者特別既調味去呈現。 當日見前面幾位排緊隊既都ORDER溫泉蛋鮑魚蔥油培根脆脆拌飯，就跟機試下，另外見到有個大澳蝦醬豚肉飯幾吸引就試埋啦。 落單後同坊間FOOD COURT相似，比錢後有個提示牌比你，當可取餐時就會響。餐廳上菜速度好快，五分鐘內就有得食，，平時睇戲趕住要食快飯一流。 每碗飯都會配上前菜小食，可以係食飯前開開胃 溫泉蛋鮑魚蔥油培根脆脆拌飯，以一碗有四隻鮑魚，煙肉脆脆及蔥花灑面，再配上溫泉蛋，撈勻配料後食到蛋料既蛋香，煙肉既咸香及卜卜脆口感，再加小小蔥化及甜豉油吊味，咸中帶甜。呢個組合撈飯意外地好食，再加上鮑魚仔食好鮮味 大澳蝦醬豚肉飯，一上菜時勁香蝦醬味，而已豚肉份量勁多，多到見唔到D飯，豚肉以蝦醬醃製後煮熟，每一塊都食到勁香蝦醬味，配白飯一流。可惜略嫌調味有小小過咸，如果可以多小小飯撈或調味上輕手小小會更好。 總結黎講餐廳食物有新鮮感，可以一試。