影片
更多
2023-04-15
62 瀏覽
餐廳：山 (銅鑼灣)地址：銅鑼灣耀華街38號The Zing!15樓銅鑼灣呢間 山Yama @yamajp.hk 喺一間以「山」嘅元素為主題嘅日式餐廳，以創新同主題式精緻Omakase為主打🍣，而為咗迎合附近嘅打工仔，餐廳仲推出唔同款式定食🍱，最重要喺無論定食定Omakase都有生同熟食選擇，非常貼心💕，比你喺好短嘅Lunch Time都可以品嚐到高質素嘅日式料理😌餐廳以山、水、風、雲為主題，成間餐廳都可以見到呢幾個元素，尤其老闆對「山」特別情有獨鍾🏔，特設嘅一個室外休憩露台，可以比你同櫻花樹打卡之餘🌸，更加可以一睹跑馬地馬場同一眾山景，確實喺幾舒服寫意，就好似繁忙都市當中嘅世外桃源☺️餐廳堅持每日進口新鮮海鮮食材🐟，確保每道食物嘅質素，就連普通一個定食嘅擺盤亦都相當講究，比人一種雅致、精細嘅感覺，所以餐廳嘅用餐價錢定位就會稍為高少少🤏，不過就換嚟非一般用餐享受，而我今次就叫咗個定食——A4宮崎和牛塩燒き($428)先嚟沙律同茶碗蒸，沙律加咗柚子醋喺當中，酸甜開胃，另外有松子、藜麥、車厘茄同沙律菜嘅配搭🥗；茶碗蒸夠晒獨特，滑嫩嘅日式蒸蛋加入松葉蟹肉絲🦀、三文魚籽、冬菇🍄，食到底仲有口感細
地址：銅鑼灣耀華街38號The Zing!15樓
銅鑼灣呢間 山Yama @yamajp.hk 喺一間以「山」嘅元素為主題嘅日式餐廳，以創新同主題式精緻Omakase為主打🍣，而為咗迎合附近嘅打工仔，餐廳仲推出唔同款式定食🍱，最重要喺無論定食定Omakase都有生同熟食選擇，非常貼心💕，比你喺好短嘅Lunch Time都可以品嚐到高質素嘅日式料理😌
餐廳以山、水、風、雲為主題，成間餐廳都可以見到呢幾個元素，尤其老闆對「山」特別情有獨鍾🏔，特設嘅一個室外休憩露台，可以比你同櫻花樹打卡之餘🌸，更加可以一睹跑馬地馬場同一眾山景，確實喺幾舒服寫意，就好似繁忙都市當中嘅世外桃源☺️
餐廳堅持每日進口新鮮海鮮食材🐟，確保每道食物嘅質素，就連普通一個定食嘅擺盤亦都相當講究，比人一種雅致、精細嘅感覺，所以餐廳嘅用餐價錢定位就會稍為高少少🤏，不過就換嚟非一般用餐享受，而我今次就叫咗個定食——A4宮崎和牛塩燒き($428)
先嚟沙律同茶碗蒸，
沙律加咗柚子醋喺當中，酸甜開胃，另外有松子、藜麥、車厘茄同沙律菜嘅配搭🥗；
茶碗蒸夠晒獨特，滑嫩嘅日式蒸蛋加入松葉蟹肉絲🦀、三文魚籽、冬菇🍄，食到底仲有口感細膩、黏性最高、味道最濃郁嘅日本頂級山藥——大和芋蓉，幾有驚喜🎉
✝️A4宮崎和牛塩燒き $428
燒香咗嘅A4宮崎和牛牛小排🐮，無論肉質定油花比例都喺比較上等嘅部位，
大理石紋油花分佈均勻、食落質地柔軟滑順，緊緻得嚟入口即溶，雖然有豐富嘅霜降脂肪喺當中，口感卻喺清爽甘香而唔油膩🤤，
配搭埋自製甜酸汁，或者夾埋蔥、辣蘿蔔蓉、雪鹽、蒜片等唔同配料一齊食，仲帶嚟更豐富滋味嘅層次，我個人就最鍾意加少少蔥同雪鹽就咁食😍，原汁原味之外仲提升咗和牛嘅鮮香。另外仲配一碗甘甜軟糯、香氣獨特而飽滿嘅富山產越光米飯🍚
食完主食就送上用三款麵豉：白、赤、普通麵豉整成嘅麵豉湯，
最後當然唔少得一品二食嘅精美甜品😋，頂層嘅士多啤梨🍓，中層嘅煙韌大福皮包住紅豆🫘，底層喺以椰子雪糕同Cream夾雜喺中間嘅拿破崙酥餅。店員教落先食紅豆以上嘅部份，之後再食拿破崙部分，一款甜品就可以帶嚟雙重口感同滿足🥰同師傅傾多咗兩句，佢仲好好咁即席送咗幾舊壽司比我食試吓，
包括面頭放咗新鮮紫菜同磨碎芝麻嘅間八壽司，新鮮魚脂香重得嚟芝麻香更加突出；
另外有脂肪同油份相對較多嘅深海池魚，加咗日本人稱之為「藥味」、有藥用成份嘅香料，即喺薑、檸檬等，唔單止可以提升味道，仲令到池魚風味更加鮮明⬆️；
最後喺放咗魚子醬同新鮮柚子皮喺面嘅北海道活帶子，鮮甜爽口，配合埋以黃金比例混合嘅赤醋越光米，無懈可擊，值得下次一試佢哋嘅Omakase😎張貼
