麻辣娘子 (形薈) (已結業)

麻辣娘子筲箕灣筲箕灣道393號形薈1樓L1-02號舖今日同班同事都想食麻辣嘢，於是我哋就嚟咗筲箕灣呢邊試吓新開嘅麻辣娘子先，餐廳環境都好靚，而且充滿特色娘子香辣鍋我哋叫咗安格斯牛肉，午餐肉，豆皮同埋椰菜花🥦，餐廳炒得非常惹味，尤其係椰菜花同埋豆皮都索晒啲香料，啱晒鍾意食重口味嘅人，安格斯牛肉非常嫩口，好重牛肉味唇舌飄香水煮魚魚肉非常滑！而且冇骨，啖啖肉咁食好爽，底下仲有大量芽菜，萵筍，寬粉，完全係飽肚之選，而且辣又夠香，好滋味脆皮小豆腐豆腐粒粒即叫即炸，再灑上椒鹽，外脆內軟，好香豆腐味之餘口感非常好👍🏼完全食唔停口夫妻肺片醬汁惹味濃郁，牛肚同埋牛舌都切得好薄身，夾住辣醬食真係忍唔住想點多碗白飯送霸王辣子雞 雞粒新鮮炸好，同埋用咗雞髀肉，啖啖肉得來又滑身，再配埋炸咗嘅腰果粒，好香口同埋佢炒得乾身，食落一啲都唔邪惡飲品我哋點左幾款，有黑糖珍珠奶茶🧋黑糖味好濃郁，珍珠煙靭好味，同埋杯飲品好大杯，十勝紅豆抹香綠茶嘅茶味好清香，再配埋大大粒嘅紅豆原來咁夾，手作鮮果抹香綠茶就用咗大量水果，有蘋果，橙，菠蘿，奇異果，啖啖水果味好清新