濟州燒肉食堂

營業中

休息中

烤肉前先食韓式前菜，因為會令人胃口大開，有四款可以無限添加。特選黑毛和牛上貝肉油花均勻，口感極嫩滑，食得出係上乘品質和牛。豪快和牛燒有兩大塊，和牛已經有調味醬汁，甜甜地，烤香後可以剪開，我鍾意加埋泡菜用生菜夾住食，超滿足！豪快濟州黑毛豬拼盤包括有黑毛豬五花肉+濟州豬梅肉+濟州豪快黑毛豬五花肉，份量澎湃，肯定可以滿足食肉獸。豪快蘋果醬油雞腿係原隻上，烤後肉質仲好滑。大八爪魚鬚真係好大隻，食得出係新鮮，好彈牙爽口。薯仔排骨湯味道有少少似羅宋湯，仲有一大舊排骨係入面。另外，爐邊有芝士粟米同泡菜蛋，都係可以無限添加。拉絲芝士烤軟左夾埋肉食真係又好食又充滿罪惡感！飲品叫咗柑橘梳打同荔枝梳打，都幾大杯，只係$32！值得一讚呢度抽風系統唔錯，唔會煙霧瀰漫，燒完後d衫同頭髮亦都唔會有燒烤味道。