影片
更多
2013-10-20
3384 瀏覽
每次黎岩浪好似返屋企咁,Ricky San善解人意,而且記性好好. 各人既喜好都一一記住!! 今日全女班係佢裝修前黎幫襯一次. 裝修一個月之後先可以再黎喇!!! 不過當然呢段時間都可以去月磯見到Ricky San啦!!上碟見蝦肉仲跳跳吓,真係超級新鮮,肉質爽甜!!間八肉質爽,油脂唔錯,係油甘魚家族,所以味道都好似.可能唔係太多人食過銀鱈魚刺身,但你食過之後一定會愛上,因為食熟既都知油脂幾豐富,所以食生既,火灸一下,油香味出哂黎,而且肉質十分滑溜.拖羅唔使講又係油脂豐富之物. 入口溶化,完全明白點鮮咁多人喜歡拖羅.鰤魚又係另一類油份高既魚類. 雖然未係冬天食既寒鰤肥美,但佢獨特既味道又十分得人喜愛!!海膽飯係Ricky San自創. 底下係用海膽撈左既飯粒,再配上點點海藻,上面再加一大件海膽,一入口當堂俾海膽鮮甜味浸死左!!! 太美妙喇!!!秋刀魚季節,Ricky San知道我地鍾意食,仲特別做兩款唔同口味既俾我地! 呢個有秋刀魚骨炸脆係面,十分香口!!呢款就有薑絲同蔥,食原味都一樣好食,因為秋刀夠哂肥美,入口油脂味滿溢!!!平時好多人都會食北寄貝,但一般都係熟既,有個鮮紅色既邊. 但其
上碟見蝦肉仲跳跳吓,真係超級新鮮,肉質爽甜!!
間八肉質爽,油脂唔錯,係油甘魚家族,所以味道都好似.
可能唔係太多人食過銀鱈魚刺身,但你食過之後一定會愛上,因為食熟既都知油脂幾豐富,所以食生既,火灸一下,油香味出哂黎,而且肉質十分滑溜.
拖羅唔使講又係油脂豐富之物. 入口溶化,完全明白點鮮咁多人喜歡拖羅.
鰤魚又係另一類油份高既魚類. 雖然未係冬天食既寒鰤肥美,但佢獨特既味道又十分得人喜愛!!
海膽飯係Ricky San自創. 底下係用海膽撈左既飯粒,再配上點點海藻,上面再加一大件海膽,一入口當堂俾海膽鮮甜味浸死左!!! 太美妙喇!!!
秋刀魚季節,Ricky San知道我地鍾意食,仲特別做兩款唔同口味既俾我地! 呢個有秋刀魚骨炸脆係面,十分香口!!
呢款就有薑絲同蔥,食原味都一樣好食,因為秋刀夠哂肥美,入口油脂味滿溢!!!
平時好多人都會食北寄貝,但一般都係熟既,有個鮮紅色既邊. 但其實生係仲甜!! 生既北寄貝係灰色,今日呢個微微灸過,超級甜!!! 正!!!
嚮螺比較少食,因為好多時只係得個爽字,甜味欠奉. 但今日食呢個係生既嚮螺即做,螺肉爽之餘十分鮮甜,係我食過最好食既嚮螺!!!!!
海膽冇人會嫌多既,再黎多件,真係大滿足!!!
筋子係三文魚籽未去薄膜之前,未經漬過,所以係更加鮮味. Ricky San記得我鍾意食呢個,咁橋又有貨,整件俾我做壓軸,真係超級滿意!!! 太開心喇!!! 所以每次去Ricky San度,除左食物美味之外,同Ricky San傾計都好開心架!!
張貼
