影片
更多
2024-01-11
182 瀏覽
今次行開太子見肚餓就搵咗一間粉麵店醫下肚，食咗個晚餐，估唔到會有驚喜！崩沙牛腩河粉湯底好香，飲落唔覺有味精，仲有一大匙羹香蔥，如果唔食蔥嘅大家，記得落單時同侍應講聲啦！一碗麵有八嚿崩沙腩，數量出乎意料地多，河粉份量又多，成碗麵都非常足料。河粉煮到剛好，仲係條條分明，唔會過腍煮到過哂火。崩沙腩食落有好濃嘅牛香味，肉質軟嫩，油香味又十足，食到筋膜位時又會爽口，再配埋清湯白蘿蔔，食落清甜冇渣。加錢再配多個腐乳通菜同凍檸茶，通菜夠嫩身唔會有渣，成餐飯食完十分飽肚！我見到魚蛋同炸魚皮都出名，奈何一餐食唔到咁多嘢，所以下次會再試埋！！！崩沙腩數量有限，每日限量供應，想食嘅話就要早啲嚟啦！📍 田記魚蛋牛腩專門店 (塘尾道) (太子)太子塘尾道201號華安樓地舖
今次行開太子見肚餓就搵咗一間粉麵店醫下肚，食咗個晚餐，估唔到會有驚喜！
崩沙牛腩河粉
湯底好香，飲落唔覺有味精，仲有一大匙羹香蔥，如果唔食蔥嘅大家，記得落單時同侍應講聲啦！
一碗麵有八嚿崩沙腩，數量出乎意料地多，河粉份量又多，成碗麵都非常足料。河粉煮到剛好，仲係條條分明，唔會過腍煮到過哂火。
崩沙腩食落有好濃嘅牛香味，肉質軟嫩，油香味又十足，食到筋膜位時又會爽口，再配埋清湯白蘿蔔，食落清甜冇渣。
加錢再配多個腐乳通菜同凍檸茶，通菜夠嫩身唔會有渣，成餐飯食完十分飽肚！
我見到魚蛋同炸魚皮都出名，奈何一餐食唔到咁多嘢，所以下次會再試埋！！！
崩沙腩數量有限，每日限量供應，想食嘅話就要早啲嚟啦！
📍 田記魚蛋牛腩專門店 (塘尾道) (太子)
太子塘尾道201號華安樓地舖
張貼
