影片
更多
2016-01-31
585 瀏覽
又到晚餐時間了，同友人行開尖沙咀附近，突然想食日本料理，最終係openrice到搵到呢間嵐山日本料理，而且就係K11附近，一於就去食啦！間餐廳好有日本風格，而且坐位舒適。第一次黎呢度，都沒咩主意話要食啲咩，突然發現有一張嵐山二人前的餐牌，睇落好豐富，有選擇困難症的我們都一致決定食這個。 哈哈等左一陣就有得食前菜了，單睇前菜已經非常之有睇頭。係左邊橙紅色的是明太子魷魚，味道咸中帶辣，魷魚好煙韌又新鮮。中間係海帶菜，醬汁味道酸酸的，好醒胃，清新爽脆。最右邊係惹味又爽口的海蜇。 顏色豐富又鮮豔，睇到已經食慾大開。鯛魚切得好靚，晶瑩剔透，入囗魚肉鮮美嫩滑。蕃茄新鮮爽口，味道超甜帶少少微酸，好開胃。而沙律菜鮮甜爽脆，三者一齊食口感多變，又爽又嫩非常滋味！ Wow~超大隻北海道生蠔。閃閃發亮的生蠔好新鮮又肥美，充滿水分唔會乾巴巴。入口肉質鮮甜嫩口，青䓤酸汁更特出蠔的味道，好正。 分別有大拖羅、油甘魚、金目鯛、日本牡丹蝦及帆立貝。刺身色澤鮮亮，而且有光澤，仲要厚切真係好吸引人去食。魚肉新鮮肥美，入口好香魚味，肉質嫩滑得黎好結實又有彈性。點少少醬油同芥末，令刺身更加鮮味。 有四款壽
間餐廳好有日本風格，而且坐位舒適。第一次黎呢度，都沒咩主意話要食啲咩，突然發現有一張嵐山二人前的餐牌，睇落好豐富，有選擇困難症的我們都一致決定食這個。
前菜
54 瀏覽
0 讚好
0 留言
哈哈等左一陣就有得食前菜了，單睇前菜已經非常之有睇頭。係左邊橙紅色的是明太子魷魚，味道咸中帶辣，魷魚好煙韌又新鮮。中間係海帶菜，醬汁味道酸酸的，好醒胃，清新爽脆。最右邊係惹味又爽口的海蜇。
鯛魚蕃茄沙律
27 瀏覽
0 讚好
0 留言
顏色豐富又鮮豔，睇到已經食慾大開。鯛魚切得好靚，晶瑩剔透，入囗魚肉鮮美嫩滑。蕃茄新鮮爽口，味道超甜帶少少微酸，好開胃。而沙律菜鮮甜爽脆，三者一齊食口感多變，又爽又嫩非常滋味！
日本大澤真蠔
29 瀏覽
0 讚好
0 留言
Wow~超大隻北海道生蠔。閃閃發亮的生蠔好新鮮又肥美，充滿水分唔會乾巴巴。入口肉質鮮甜嫩口，青䓤酸汁更特出蠔的味道，好正。
刺身盛五點
36 瀏覽
0 讚好
0 留言
分別有大拖羅、油甘魚、金目鯛、日本牡丹蝦及帆立貝。刺身色澤鮮亮，而且有光澤，仲要厚切真係好吸引人去食。魚肉新鮮肥美，入口好香魚味，肉質嫩滑得黎好結實又有彈性。點少少醬油同芥末，令刺身更加鮮味。
壽司盛8貫
37 瀏覽
1 讚好
0 留言
有四款壽司，分別有火焰平目魚邊、深海池魚、松葉蟹肉軍艦和加拿大海膽。火焰平目魚邊和深海池魚係手握壽司，米飯握得很好，唔會鬆鬆散散，米飯口感又暖又嫩，味道就甘香中帶微酸。而燒過的平目魚邊好有焦香味，肉質好嫩，加上青蔥更加突出魚的味道，而池魚就鮮甜嫩滑，肉質晶瑩剔透。而加拿大海膽相當新鮮，色澤鮮豔又有光澤，而且味道好鮮甜海膽味好濃郁好重。最後係松葉蟹肉，蟹肉鮮甜，而上面的蟹膏，好香好濃蟹味，加強整體味道。
海膽醬燒波士頓龍蝦
52 瀏覽
0 讚好
0 留言
海膽醬燒波士頓龍蝦
30 瀏覽
0 讚好
0 留言
用海膽醬燒都係第一次見，出面多數係芝士，都幾特別，味道同龍蝦好夾，而且令龍蝦更惹味好食。好容易將成條龍蝦肉拎出來，啖啖龍蝦肉，好鮮甜而且爽口彈牙兼結實。而且有好多龍蝦膏，好鮮味，係龍蝦的精華，食完都覺得唔夠喉，好正。
日本和牛厚燒
36 瀏覽
0 讚好
0 留言
和牛燒得好香，牛脂香味撲鼻而來。和牛肉質好嫩唔韌，每一口都吱晒啲肉汁和油脂出來，簡直係原汁原味，超級juices，再加上大蔥絲同乾蒜片，令和牛味道更加提升。
法國鵝肝多士
26 瀏覽
0 讚好
0 留言
至於鵝肝就煎到至金黃色並外脆內嫩，油光閃閃，咬落去的時候啲鵝油係口中四濺，入口即溶，好滑溜。而托底的多士，本身已經好脆好香口，但多士面還吸收了鵝肝油，令多士多了一股油香味。而且口感豐富由嫩滑到脆口，真係令人回味。
野菜立魚湯稻庭烏冬
36 瀏覽
1 讚好
0 留言
由立魚同野菜熬出來的湯底呈乳白色，味道又清又鮮甜，一啲都唔油膩同腥。齋湯底已經好掂，再加埋爽滑又彈牙的稻庭烏冬，真係好食到連湯都要飲晒，直得一讚！
芝麻同豆腐味雪糕
16 瀏覽
0 讚好
0 留言
最後食埋甜品芝麻同豆腐味雪糕。雪糕好滑，有好濃郁的豆腐同芝麻味，唔係好甜。作為一餐的總結之外，還可以清清味蕾！
張貼
