麻辣娘子 (形薈) (已結業)

再次來到筲箕灣，再次來到新地標『形薈』，今次為『娘子』而來，可惜我係女仔來㗎。記得10年前喺四川成都大排檔第一次品嚐到小龍蝦，從此結下不解之緣，之後每每返到大陸，就算日頭未必食到，但宵夜仲會有尋『蝦』之旅……只不過1年半以來與之絕緣，今日呢個『麻辣十三香小龍蝦』令我尋回當日之味道，成都的味道，小龍蝦個頭唔少，新鮮甜美，配菜及醬汁好夾好惹味，雖然係BB辣，對於非四川人的我來講都有DD辣，好吸引。如果你係雲貴川啲人，當然可以叫到大辣，可以照顧到不同人仕之口味，一定係成功之道。『蒜泥白肉』喺今日嘅前菜，亦係送飯之菜，好多時喺底嘅係芽菜，今次係D似涼皮的粉條，索晒D汁，真係好味。『芝士奶蓋炭燒烏龍茶』和『芝士奶蓋茉香綠茶』係今日的飲品，芝士味極香濃，飲到最後仲有濃濃的香味。由於點咗小龍蝦，因此嗌咗『絲苗白飯』做主食，其實識食嘅人都知白飯亦係解辣極品，又飽肚又可以撈埋龍蝦汁，美味無比。『紅糖糍粑』好早上檯，但我哋都係最後至食，好柔軟又Q彈的口感，令人心滿意足。