老川皇

營業中

休息中

今日晏晝同同事突然間想食辣野，所以揀咗公司附近嘅老川皇，其實不嬲都有食開老川皇嘅晚飯，午飯就真係少啲，今日第一次嚟試，先發現原來lunch非常之抵食！$58就食到酸菜魚！貪心嘅我哋仲在嗌多咗個二人餐因為真係好想食水煮肥腸，諗住應該都唔會太多應該食得哂。食飯叫前菜是常識吧，所以我哋仲叫埋涼拌土豆絲！涼拌土豆絲配上川味，小小辣好惹味！🌶而且土豆絲切得好幼好薄，條條都好爽脆！水煮肥腸係以邊爐型式上，仲送生菜可以一齊煮！肥腸煮得好入味，而且肥得嚟唔太漏！正！酸菜魚🐟雖然只係58蚊，但係份量非常之大而且有好多魚！酸菜魚好開胃，個湯用嚟送飯一流！特別一提，餐廳服務員服務態度一流，要比個like 佢地！👍🏻