影片
更多
2019-01-16
866 瀏覽
我食私房菜嘅次數少之又少，通常食川菜都係雞煲或者直接嗌小菜咁，不過近排就係觀塘發現一間好有心嘅私房菜！係難得同朋友慶生先專登搵上去，估唔到又幾有驚喜～水晶餚肉冷盤小菜，成塊整到好似豬肉咁，裡面係豬肉同豬骨湯雪凍咗整出黎嘅～似食緊啫哩又似食緊骨膠原，成個分子料理咁，味道同賣相都勁新奇！巴蜀羊腩打邊爐個陣我都麻麻地食羊，但羊腩煲我又唔抗拒。呢度嘅羊腩煲可以話係水準之作！首先個湯好香純，雖然見到咁多辣椒，但其實啖湯係辣面不嗆，隔開啲油就飲得個種。主角羊腩本身就已經炆煮到非常軟腍，等句湯再滾起就食得，啲香料仲好入味，都蓋過羊本身的膻味，連我唔好羊都食咗好多～仲有啲配菜我都好鐘意食，荀同腐竹都吸晒啲精華，不過腐竹中間有時夾住啲花椒，咬爆咗個個口感好差，所以我要挑開晒check過先食😂黑松露魚子煎蛋角一上枱我就心諗：使唔使咁大份？切開再驚訝都未遲，未免太多料了吧！入面包住全部都係魚春，應該食咗一個月的份量。仲有好多秋葵。。。煎得好實凈，都唔會散開晒，如果嗌埋飯就正🤩飲品櫃，有啤酒！上去之前記得記得要book位，始終私房菜就係中式「廚師發辦」咁，注重食之餘都好注重同食客嘅交流。咁我地預先訂咗兩位，廚
我食私房菜嘅次數少之又少，通常食川菜都係雞煲或者直接嗌小菜咁，不過近排就係觀塘發現一間好有心嘅私房菜！係難得同朋友慶生先專登搵上去，估唔到又幾有驚喜～
水晶餚肉
冷盤小菜，成塊整到好似豬肉咁，裡面係豬肉同豬骨湯雪凍咗整出黎嘅～似食緊啫哩又似食緊骨膠原，成個分子料理咁，味道同賣相都勁新奇！
巴蜀羊腩
打邊爐個陣我都麻麻地食羊，但羊腩煲我又唔抗拒。呢度嘅羊腩煲可以話係水準之作！首先個湯好香純，雖然見到咁多辣椒，但其實啖湯係辣面不嗆，隔開啲油就飲得個種。
主角羊腩本身就已經炆煮到非常軟腍，等句湯再滾起就食得，啲香料仲好入味，都蓋過羊本身的膻味，連我唔好羊都食咗好多～
仲有啲配菜我都好鐘意食，荀同腐竹都吸晒啲精華，不過腐竹中間有時夾住啲花椒，咬爆咗個個口感好差，所以我要挑開晒check過先食😂
黑松露魚子煎蛋角
一上枱我就心諗：使唔使咁大份？切開再驚訝都未遲，未免太多料了吧！入面包住全部都係魚春，應該食咗一個月的份量。
仲有好多秋葵。。。煎得好實凈，都唔會散開晒，如果嗌埋飯就正🤩
飲品櫃，有啤酒！
上去之前記得記得要book位，始終私房菜就係中式「廚師發辦」咁，注重食之餘都好注重同食客嘅交流。
咁我地預先訂咗兩位，廚師就send咗啲茶式畀我地揀，埋單總共就5xx左右，仲食到羊我覺得都ok抵！而且廚師人很好，手勢又掂，食完係會推介朋友去個種～
另外都有做午市，平日lunch time都可以過黎食下👍🏻
張貼
