影片
更多
2019-01-22
62 瀏覽
年尾同朋友食個收爐飯，去左一間由大角咀搬過來既私房菜館，唔講唔知都真係幾難先搵到上去，因為出lift之後仲要行多一層上去，入面地方四四正正，好似酒樓咁，但係坐得闊落。坐低左未有野食就咬下鳳爪先，正呀d鳳爪去晒骨，同平時食開既泰式鳳爪完全唔同，泰式係酸辣，而佢係鹹香辣，就係返大陸食包裝泡椒鳳爪個隻味！咁當然呢味新鮮d，而個鳳爪又彈牙好多啦～巴蜀羊腩天氣一凍就係羊腩煲嘅天下，最羊之士無理由唔鐘意呢個煲，超級正！羊腩唔單止又諗又入味，d肉仲要一層層連住少少肥同少少脆骨，真係冇得頂！個湯底用有大量花椒，令羊腩食落去更富麻香辣，好過癮🤤黑松露魚子煎蛋原本係煎蛋配豆角，但師傅會跟時令轉下唔同蔬菜。而我地食既就係秋葵魚子煎蛋，估唔到咁大份！加上d魚子同秋葵都多到爆出來，呢個配搭第一次食，又幾好食，好有家常菜既味道。花菜炒珍肝最後來一道鑊氣小炒，雞雜有好幾款，炒到乾身但又唔會太老，雞心好爽口，如果可以多d雞心就好，因為比例上食到好多雞肝，一次過食就略嫌太寡.非常滿足既一餐，特別推介羊腩，真係好出色。溫馨提示：唔好walk in呀記得book位先有好西食～
坐低左未有野食就咬下鳳爪先，正呀d鳳爪去晒骨，同平時食開既泰式鳳爪完全唔同，泰式係酸辣，而佢係鹹香辣，就係返大陸食包裝泡椒鳳爪個隻味！咁當然呢味新鮮d，而個鳳爪又彈牙好多啦～
巴蜀羊腩
天氣一凍就係羊腩煲嘅天下，最羊之士無理由唔鐘意呢個煲，超級正！羊腩唔單止又諗又入味，d肉仲要一層層連住少少肥同少少脆骨，真係冇得頂！
個湯底用有大量花椒，令羊腩食落去更富麻香辣，好過癮🤤
黑松露魚子煎蛋
原本係煎蛋配豆角，但師傅會跟時令轉下唔同蔬菜。而我地食既就係秋葵魚子煎蛋，估唔到咁大份！
加上d魚子同秋葵都多到爆出來，呢個配搭第一次食，又幾好食，好有家常菜既味道。
花菜炒珍肝
最後來一道鑊氣小炒，雞雜有好幾款，炒到乾身但又唔會太老，雞心好爽口，如果可以多d雞心就好，因為比例上食到好多雞肝，一次過食就略嫌太寡.
非常滿足既一餐，特別推介羊腩，真係好出色。溫馨提示：唔好walk in呀記得book位先有好西食～
張貼
