影片
更多
2019-03-06
621 瀏覽
本身都愛食辣既我，間唔中同朋友都會搵下唔同既川菜餐廳食飯，正所謂無辣不歡，早幾日我同朋友就去左海運大廈新開的海景餐廳區食川菜晚飯，可以望到維港夜景食飯真係讚嘆不已，座位寬闊帶點浪漫氣氛，座位有分為室內室外，但室外座設有最低消費，所以我地都係選坐室內靠窗座位荔枝馬天尼店員先送上一小杯餐前飲品，入口酒味雖然濃烈，但唔會覺得口乾，有陣陣荔枝香味，非常醒胃糖醋海哲蘿蔔依度餐前小食非常開胃，蘿蔔爽脆帶酸，酸味適中，當中既海哲好爽韌，不錯敲糖棒棒雞朋友話依道菜係店中熱門之一，賣相非常吸睛，面頭水滴形狀係糖漿店員用匙敲碎糖漿殼外層，令內面糖漿同雞絲、筍絲一同拌匀雞絲帶雞皮，重點係完全唔肥，食落爽滑，而且麻辣味十足，非常之香，辣度剛好夠惹味，食個時帶少許甜味，相對中和返個辣度，甜辣並存真係好過癮，份量都幾多，的確係必叫之一蝦膏泡瀘沽湖紅米飯紅米飯有分為窩同位既份量，而我地就叫左一位既份量，紅米飯用左已預熱既石頭窩裝住店員再倒入蝦膏濃湯，大約滾一分鐘左右就可以食質感有少少似意大利飯，食落帶香濃蝦膏味，全口都係滿滿蝦膏香氣香芒山葵蝦球不得不讚如此精美賣相，旁邊一點點既係山葵沙律醬，蝦球排得規律，估唔到有七
荔枝馬天尼
店員先送上一小杯餐前飲品，入口酒味雖然濃烈，但唔會覺得口乾，有陣陣荔枝香味，非常醒胃
糖醋海哲蘿蔔
依度餐前小食非常開胃，蘿蔔爽脆帶酸，酸味適中，當中既海哲好爽韌，不錯
敲糖棒棒雞
朋友話依道菜係店中熱門之一，賣相非常吸睛，面頭水滴形狀係糖漿
店員用匙敲碎糖漿殼外層，令內面糖漿同雞絲、筍絲一同拌匀
雞絲帶雞皮，重點係完全唔肥，食落爽滑，而且麻辣味十足，非常之香，辣度剛好夠惹味，食個時帶少許甜味，相對中和返個辣度，甜辣並存真係好過癮，份量都幾多，的確係必叫之一
蝦膏泡瀘沽湖紅米飯
紅米飯有分為窩同位既份量，而我地就叫左一位既份量，紅米飯用左已預熱既石頭窩裝住
店員再倒入蝦膏濃湯，大約滾一分鐘左右就可以食
質感有少少似意大利飯，食落帶香濃蝦膏味，全口都係滿滿蝦膏香氣
香芒山葵蝦球
不得不讚如此精美賣相，旁邊一點點既係山葵沙律醬，蝦球排得規律，估唔到有七隻大蝦咁多，每隻都先炸好再加山葵沙律醬一齊炒，而香芒粒隨意撒係蝦球上同碟上，蝦肉爽口彈牙，微微既山葵辣味加芒果甜味，味道更開胃
椒鹽平菇
依道椒鹽平菇，粉薄之餘，粒粒都炸得好平均，入口非常酥脆，好好食
宮保雞丁
比我想像中出奇，一般食到既都較乾身，但依度既就有絲絲蜜糖汁拌住食，花生、雞肉粒都好入味，帶少少甜味一食就停唔到口，令食慾大增
整體而言，食物質量不錯，服務非常友善，餐廳環境寬闊舒適，埋單後店員亦送上自家製朱古力作甜品，好香濃朱古力味，又唔會太甜，朱古力外形亦有心思，非常窩心
張貼
