一登龍門 (已結業)

今日約左同事去灣仔食午餐，就揀左呢間喺廈門街嘅樓上川粵餐廳。上到黎覺得餐廳布局幾舒適，枱與枱之間唔會太密。我地揀左客飯套餐，有湯、油菜、主菜。湯可以揀酸辣湯或者足料例湯，我就揀左是日例湯-霸王花湯，飲落都好大陣味精味，偏咸，可能揀酸辣湯會好啲。主菜我就揀左麻婆豆腐，味道有麻味，唔錯，都係咸左啲，適合送飯食。因為我地三個人食，所以碟油菜夾埋一齊上，都算大碟。總括黎講，呢間餐廳唔算貴，都可以值得再試。