影片
更多
2019-09-12
546 瀏覽
係香港經營食肆，面對幾大難題，一係租金貴，二係最低工資，三係食材價格飛漲，總之做地舖，真係要財雄勢大先好諗。為了減輕成本，近年真的多了樓上舖，而「一登龍門」正是其中之一，前身是在銅鑼灣登龍街，在因緣際會下，遷移到上址。其實地點都幾就腳，位處合和中心斜對面，好易搵。秋葵淮山滿天星 - $88 賣相一絕，秋葵橫切成星狀，墊底是淮山茸，爽口滑溜同場出現，真是一個有趣的組合。麻辣平原雞什 - $98 用上新鮮雞什已經無得輸，雞腎、肝及心切得小巧，麻辣度不算強勁，但最可惜是欠了雞腸，未免美中不足。霸王甲魚 - $328 原隻大水魚上檯，真係好有霸氣，用筍塊、冬菇之類炆煮，水魚肉非常入味，尤其是皮位軟稔，膠質重，好啱用黎送酒。草綑牛肋骨 - 半份$218, 全份$398 用荷葉及水草綑好，牛肋骨又係炆煮至輕輕一夾，便骨肉分離，陣陣荷葉的香味，實在令人食指大動。水煮老虎斑 - $1100 麻辣汁調較得啱啱好，墊底的薯粉及芽菜蘸滿了汁更覺惹味，用上老虎班加倍矜貴，啖啖肉又沒有碎骨，但個人情意結始終喜歡常用的桂花魚。富貴平原雞 - $598 賣相一絕，真係好似一隻公雞，本身富貴雞
係香港經營食肆，面對幾大難題，一係租金貴，二係最低工資，三係食材價格飛漲，總之做地舖，真係要財雄勢大先好諗。
為了減輕成本，近年真的多了樓上舖，而「一登龍門」正是其中之一，前身是在銅鑼灣登龍街，在因緣際會下，遷移到上址。
其實地點都幾就腳，位處合和中心斜對面，好易搵。
秋葵淮山滿天星 - $88
賣相一絕，秋葵橫切成星狀，墊底是淮山茸，爽口滑溜同場出現，真是一個有趣的組合。
麻辣平原雞什 - $98
用上新鮮雞什已經無得輸，雞腎、肝及心切得小巧，麻辣度不算強勁，但最可惜是欠了雞腸，未免美中不足。
霸王甲魚 - $328
原隻大水魚上檯，真係好有霸氣，用筍塊、冬菇之類炆煮，水魚肉非常入味，尤其是皮位軟稔，膠質重，好啱用黎送酒。
草綑牛肋骨 - 半份$218, 全份$398
用荷葉及水草綑好，牛肋骨又係炆煮至輕輕一夾，便骨肉分離，陣陣荷葉的香味，實在令人食指大動。
水煮老虎斑 - $1100
麻辣汁調較得啱啱好，墊底的薯粉及芽菜蘸滿了汁更覺惹味，用上老虎班加倍矜貴，啖啖肉又沒有碎骨，但個人情意結始終喜歡常用的桂花魚。
富貴平原雞 - $598
賣相一絕，真係好似一隻公雞，本身富貴雞外層傳統選用塘泥，家陣塘泥難求，大廚用上酒酲的封口泥，多了一份酒香。
雞肉經長時間烤烘，但都不覺粗嚡，而雞殼釀入大頭菜及冬菇，味道濃郁，但似乎有點偏咸，加碗白飯會更好。
香糯肉蟹 - $880
全晚最吸引的菜色，蟹汁滲入糯米內，加上醬油，雖然飯粒有點濕，但無損嚼口，食落實在好滋味，其實感覺飯粒比蟹肉更吸引。
麻辣小籠包 - $48/4件
包皮幾薄身，麻辣汁泥和肉汁好夾，唯一挑剔係希望餡料多些少。
拔絲水果 - $118/8件
算是半現代版吧！因為賣相是在傳統上，澆上糖漿絲，但又沒有浸忌廉汽水，而水果有香蕉及蘋果兩款，個人覺得蘋果帶果酸，吃起來不會太甜膩。
整體感覺是有心想做好菜色，而價格亦算合理，遇上喜慶日子，可以一試。
張貼
