影片
更多
2018-07-12
455 瀏覽
冇真正到四川吃過道地四川菜，自己都唔係好嗜辣，亦唔知點先算道地。因為朋友約，所以今次算係獻出我川菜處女初嘗試。估唔到香港有人氣咁旺嘅川菜，開到有三間分店，今次試歐美廣場分店對面的另外一家分店。朋友教路食川菜要從涼菜食起，從冷辣到熱辣，一層層疊加。首先嚟一道川北涼粉，朋友話怕食飯太飽，不如就用D特色嘢嚟代替主食。涼粉一啖咬落去，口感唔似任何一種麵類，反而有DD似啫喱，細嫩綿軟。將鋪面嘅辣椒醬、蔥花撈埋墊底嘅醋汁，辣唔會好辣，但酸酸咪咪好開胃。第二道涼菜係香辣豆皮，豆皮以醋、辣椒醬調味，味道好帶勁。因為係豆製品，所以都安心一啖接一啖，唔會好油膩。係香港真係好少食田雞，所以點咗個鐵板田雞。田雞肉柔軟，界乎雞肉和魚肉之間。因為我唔係太食辣，所以點咗小辣都咁大把。新鮮軟嫩的田雞肉放在燒熱的鐵板上，醬汁發出「啫啫聲」，香味四溢。可惜嘗起來味道稍微淡咗少少，如果醃料再醃耐少少相信更加惹味，食得辣嘅朋友點再辣少少可能更地道! 太多辣嘢都怕個胃受唔住，點咗個竹笙豬肚雞中和下。豬肚、雞、竹笙同鍋都係另上，確保唔會提早準備以致雞肉煲到老曬。所有材料倒曬落去，慢慢靜待湯滾，料份量好夠成個鍋滿哂。湯滾即成，先喝
朋友教路食川菜要從涼菜食起，從冷辣到熱辣，一層層疊加。
首先嚟一道川北涼粉，朋友話怕食飯太飽，不如就用D特色嘢嚟代替主食。涼粉一啖咬落去，口感唔似任何一種麵類，反而有DD似啫喱，細嫩綿軟。將鋪面嘅辣椒醬、蔥花撈埋墊底嘅醋汁，辣唔會好辣，但酸酸咪咪好開胃。
第二道涼菜係香辣豆皮，豆皮以醋、辣椒醬調味，味道好帶勁。因為係豆製品，所以都安心一啖接一啖，唔會好油膩。
係香港真係好少食田雞，所以點咗個鐵板田雞。田雞肉柔軟，界乎雞肉和魚肉之間。因為我唔係太食辣，所以點咗小辣都咁大把。
新鮮軟嫩的田雞肉放在燒熱的鐵板上，醬汁發出「啫啫聲」，香味四溢。可惜嘗起來味道稍微淡咗少少，如果醃料再醃耐少少相信更加惹味，食得辣嘅朋友點再辣少少可能更地道!
太多辣嘢都怕個胃受唔住，點咗個竹笙豬肚雞中和下。豬肚、雞、竹笙同鍋都係另上，確保唔會提早準備以致雞肉煲到老曬。
所有材料倒曬落去，慢慢靜待湯滾，料份量好夠成個鍋滿哂。
湯滾即成，先喝一口湯，非常非常甜。豬肚、雞的鮮甜配合竹笙的清香，實在絕配。
豬肚爽口，雞肉嫩滑不肥膩。
喺食完咁多重口味食物後，實在清新。原本個煲係應該用嚟打邊爐，根據店家建議，先飲湯，再落D菌類或者青菜嚟淥，相信一定好正。雖然老川皇主打川菜，但對於我呢D唔太食得辣嘅人嚟講，呢度D餸菜有得揀辣度，已經係好窩心之舉。雖然呢種小辣口味一定唔係地道川菜，但至少味道好味，已經足矣。
張貼
