廚十三老壇酸菜魚 (渣甸街) (已結業)

銅鑼灣既廚十三都幾大間，裝修又特別，座位夠晒闊，同朋友黎歡聚就岩晒啦！老壇酸菜魚👏🏻魚片肉質嫩滑，唔會一夾就散，仲要無骨，湯又麻又辣，但又唔會搶佐魚既鮮味，酸菜都好好食，自家製果然唔同啲😆唔想太dry既大家仲可以自選配料加上去，豆腐，豆干呢啲配料都有，全部都好好食！泡椒鳳爪$68🐥鳳爪好爽，用花椒浸泡既鳳爪好入味，酸蘿蔔又好開胃，鳳爪一開頭食唔會太辣，點知原來愈食愈麻辣，但花椒味既香令到鳳爪好好食😋酥炸無臉男$88🐷咁得意既名點可以唔叫😆原來係炸豬肉條，金黃香脆既豬肉條好酥脆，咬落脆卜卜，上枱熱辣辣就最重要，點埋少少辣椒粉更惹味！