川上龍 (已結業)

水煮龍躉片出色野味。龍躉魚柳大大片，肉質香滑而結實，花椒味香濃，麻辣之餘亦都相當野味。雖然成盤都係紅色嘅辣油，但係唔算太辣。最重要嘅係辣味唔係用味精調出黎，味道自然，感覺係真材實料。盤底有好多芽菜同紅薯粉，大大提升咗水煮魚嘅口感。不過整體味道偏濃，有少少太鹹。無得揀辣度，不過以川菜黎講算係小辣，所以唔洗擔心。四川麻婆豆腐份量多，豆腐軟滑，麻辣汁做得好出色，有花椒嘅香味，又辣又香，超級野味，送飯一流。不過同水煮魚一樣，味道偏濃，有少少太鹹，不過送飯嘅話會唔咁鹹。樓上餐廳，有少少難搵，傳統中式裝潢，座位闊落舒服，適合聚會。