Go Inside Kitchen (已結業)

觀塘啲工厦餐廳多如天上繁星，講真，我都食過好幾間，唔係間間好味之餘，價錢同連鎖西餐廳睇齊味道等同連鎖茶餐廳，自問對食有要求嘅我，覺得性價比都好重要。同契媽兩個人食飯，既然我哋兩個都係觀塘返工，就一於上網睇吓邊一間食得過，契媽唔食牛肉，我記得上次午餐，同啲同事嚟呢度食過，佢哋嘅三文魚都唔錯，所以今日晚餐就決定咗再嚟呢一度。出奇係餐廳雖然細細地，但係都差唔多滿座。我哋決定叫一份德國黑椒豬手，一份pasta。炸豬手好細心已經起咗骨，肉嘅味道唔會太咸，分量亦都偏大，配菜有炸薯條，最後我哋兩個人都食唔晒啲肉。呢個蘑菇青醬pasta真係做得唔錯，青醬味道做得好濃郁，仲有大大嚿嘅黑啡菇，分量方面亦都夠哂兩個女仔share。原本我哋仲諗住留肚食甜品，但係唔得喇真係太飽。