影片
更多
2020-10-20
1757 瀏覽
呢間餐廳由經驗豐富嘅中廚主理👨🏻🍳每日精選時令食材，製作多款海鮮、熱菜、冷菜、飯至生果甜品等。訂座前可先選擇菜單，餐廳亦會因應客人嘅要求同預算，設計合適嘅配搭，今次就叫咗個價值$9️⃣6️⃣8️⃣嘅二人份套餐。💗香芒沙律大蝦球(2件)蝦球雖然唔算好大隻，但炸得外脆內裡彈牙，粉漿再薄少少就更好🍤伴以一塊清甜嘅芒果片，底層係爽脆酸甜嘅青紅蘋果沙律，開胃得嚟又健康🥗💗東星二食•養魚椒鹽骨：將魚腩、魚旗、魚尾等部位炸至香脆，油而不膩。加入椒鹽、炸蒜同辣椒爆炒，香辣惹味得嚟唔會過鹹🌶起肉炒球：東星斑大大塊，肉質結實彈牙，夾起魚肉都唔會散，證明非常新鮮🐟底部嘅芥蘭用上薑粒同蒜蓉炒，爽脆味濃🥬💗什菌豆腐大蜆湯奶白色嘅什菌湯味道清淡，無添加任何味精，更突顯原材料嘅鮮味🍲有兩隻鮮甜嘅大蜆，脹卜卜而且冇沙，仲有秀珍菇等各種雜菌🍄少量莞茜增加香味🌿非常足料。💗白胡椒爆炒南非鮑魚(2隻）鮑魚都幾大隻，預先𠝹咗花紋，食落軟嫩得嚟有嚼勁🦪未食已經聞到白胡椒強烈嘅香氣，醬汁濃稠辛辣，特別惹味，不過略嫌蓋過鮑魚本身嘅鮮甜味🤔💗蒜蓉粉絲蒸蟶子皇(2隻）大蟶子火喉控制得啱啱好，口感彈牙，鮮味十足🐚美中不足係有少少沙。上面放咗蒜蓉、
💗香芒沙律大蝦球(2件)
蝦球雖然唔算好大隻，但炸得外脆內裡彈牙，粉漿再薄少少就更好🍤伴以一塊清甜嘅芒果片，底層係爽脆酸甜嘅青紅蘋果沙律，開胃得嚟又健康🥗
香芒沙律大蝦球
45 瀏覽
0 讚好
0 留言
💗東星二食•養魚
椒鹽骨：將魚腩、魚旗、魚尾等部位炸至香脆，油而不膩。加入椒鹽、炸蒜同辣椒爆炒，香辣惹味得嚟唔會過鹹🌶
東星二食•椒鹽骨
47 瀏覽
0 讚好
0 留言
起肉炒球：東星斑大大塊，肉質結實彈牙，夾起魚肉都唔會散，證明非常新鮮🐟底部嘅芥蘭用上薑粒同蒜蓉炒，爽脆味濃🥬
東星二食•起肉炒球
43 瀏覽
0 讚好
0 留言
💗什菌豆腐大蜆湯
奶白色嘅什菌湯味道清淡，無添加任何味精，更突顯原材料嘅鮮味🍲有兩隻鮮甜嘅大蜆，脹卜卜而且冇沙，仲有秀珍菇等各種雜菌🍄少量莞茜增加香味🌿非常足料。
什菌豆腐大蜆湯
37 瀏覽
0 讚好
0 留言
💗白胡椒爆炒南非鮑魚(2隻）
鮑魚都幾大隻，預先𠝹咗花紋，食落軟嫩得嚟有嚼勁🦪未食已經聞到白胡椒強烈嘅香氣，醬汁濃稠辛辣，特別惹味，不過略嫌蓋過鮑魚本身嘅鮮甜味🤔
白胡椒爆炒南非鮑魚
33 瀏覽
1 讚好
0 留言
💗蒜蓉粉絲蒸蟶子皇(2隻）
大蟶子火喉控制得啱啱好，口感彈牙，鮮味十足🐚美中不足係有少少沙。上面放咗蒜蓉、炸蒜同蔥花一齊蒸，食落更惹味🧄墊底嘅粉絲吸收哂海鮮嘅精華，仲有適量嘅豉油吊味🤩
蒜蓉粉絲蒸蟶子皇
49 瀏覽
0 讚好
0 留言
💗潮州鹵水鵝(例牌)
包括咗鵝片同鵝件，肉質肥瘦相間，食落軟嫩唔嚡，鵝油甘香味美🦆祕製滷水汁帶中藥味，食得出比坊間嘅特別濃郁入味👍🏼
潮州鹵水鵝
30 瀏覽
0 讚好
0 留言
💗經典富瑤炒飯
炒飯夠哂火喉同鑊氣，飯粒分明入口，軟硬適中帶煙韌，乾爽唔油膩🍚配料非常豐富揼本，有迷你鮮南非鮑魚、瑤柱、金華火腿絲同蔥花，加上秘製醬汁調味，食落咸鮮惹味😋
經典富瑤炒飯
36 瀏覽
0 讚好
0 留言
💗碧綠炒花枝
西蘭花翠綠爽口，軟硬適中🥦加入大量韭黃同蒜蓉炒成。花枝片亦好足料，食落彈牙嫩滑，完全唔韌🦑
碧綠炒花枝
21 瀏覽
0 讚好
0 留言
💗芒果布丁
冰凍嘅布丁口感滑溜，甜而不膩🍮芒果味唔算太假，當然要落埋花奶一齊食，如果有少少芒果肉就更好🥭
芒果布丁
20 瀏覽
0 讚好
0 留言
張貼
