Aster Cafe (已結業)

女人為咗買嘢可以去到幾盡？今日，A姐選定戰場觀塘，由apm，一直掃落去駱駝漆大廈同怡生工業大廈，左4袋，右5袋 (係我兩隻手) 。最後去到港貿中心，配埋副太陽眼鏡，終於肯收手！又攰又肚餓，附近有咩食？見到二樓有間西餐廳叫Aster Cafe，唔理三七廿一，就呢間啦！入到去發現餐廳主打健康餐，強調無加味精，正喎！有時食得濃味嘢多，都想轉轉口味嘅。周打魚忌廉湯配蒜蓉包：味道唔算好濃，不過好足料，有魚、甘筍、煙肉，薯仔同洋蔥，加埋熱辣辣嘅蒜蓉包，真係Perfect match。不過如果嗰忌廉湯厚身啲會更好味。紐西蘭肉眼扒配燒汁：肉眼扒5成熟，煎得啱啱好。肉眼扒厚身，牛味香濃，以$188嚟講，真係唔錯。話明係健康餐，跟餐有紅米飯同伴碟蔬菜，有西蘭花、椰菜、紅蘿白同車厘茄等。香煎雞胸扒磨菇配香草汁：雞胸肉脂肪少，含豐富蛋白質，不嬲都係健康之選，不過好多人，包括A姐，唔鍾意咁嚡身。驚喜嘅係呢度嘅雞胸煎得好香口，完全唔覺得嚡口，好想偷師點整。今次伴碟嘅係香草汁炒雜菜配嘅磨菇，好細心。芒果沙冰：跟餐可以半價飲特飲，店員話呢杯芒果沙冰絕對無落糖，用真材實料嘅芒果打成，所以味道無坊間咁甜，不過都係一樣咁R