丼瀛 (已搬遷) 新店位置

今次嚟幫襯黃色經濟圈！呢間日式餐廳位於工廈入面，店舖唔算好大，不過有分室內同室外，今次黎食午市都幾抵食，所有嘢都可以跟套餐。花刺身丼，估唔到一碗細細地嘅刺身丼竟然有七至八款刺身，價錢仲要係100出頭，真係唔係邊間做到！刺身每款都有兩件，質素都算幾唔錯，刺身鮮甜！鹽燒鯖魚套餐，除咗有鯖魚之外仲有沙律同迷你章魚丸，鯖魚燒得香脆，魚肉唔會燒到太老，章魚丸亦都幾出色，雖然只係配菜，但味道都唔錯，每一粒都有章魚添！套餐仲包埋麵豉湯同餐飲，性價比高！