丼瀛 (已搬遷) 新店位置

假日依家最好的節目就是行山，今日約了S行魔鬼山，行完之後緊係要揾地方食lunch la, S提議去觀塘工厦揾嘢食，最後揀左丼瀛。 丼瀛的環境頗開揚，還可以選揀坐户外位置，可以吸番口新鮮空氣，正。士多啤梨梳打$32~飲品的底部有士多啤梨粒和士多啤梨醬，和梳打mixed埋一齊，既清新又冰凉，正！前菜~有車厘茄，粟米和沙律菜，配和風沙律汁，酸酸的好開胃。花刺身丼$98~刺身有吞拿魚， 三文魚，油甘魚，帶子，魚，甜蝦和蟹籽。刺身厚切，滿滿的鋪滿飯面，尤其喜愛肥美爽滑的油甘魚和鮮甜嫩滑的帶子。海鮮烏冬$108~材料非常豐富，海鮮類方面有蝦 ，蟹腳，青口和兩隻大蜆。而配菜方面有豆腐，紅蘿蔔，金菇，日本粉絲，紹菜和小棠菜，還有彈牙的烏冬，湯頭有點像豬骨湯底，頗鮮甜美味。呢個set還有3隻煎餃，外面煎得金黃脆口，裏面是充滿肉汁的豬肉，幾好味！大蜆非常肥美鮮甜，青口也不錯。最後仲送埋 Haagen Dazs朱古力味雪糕和雪米糍給我們作為甜品，真係非常開心。