影片
更多
2024-08-03
36 瀏覽
喺觀塘返咗咁多年工，都唔知有呢間餐廳，因為有個朋友食咗話唔錯，所以我都嚟試吓啦。呢間餐廳雖然唔係好大，坐低一睇佢個餐牌就見到有好多樣選擇，香港人嘅茶餐廳真係唔簡單。我哋大家口味都唔同，各自叫咗唔同類型嘅食物。我就叫咗雲吞雞湯飯，我一睇個餐牌就發覺有啲樣食物，平時茶餐廳都唔會見到有嘅選擇。所以我諗都唔諗就叫咗呢個。今日我突然想試啲平時少見嘅嘢，我仲叫咗個雜果兩份冰添。我朋友就叫咗個西炒飯，見佢50幾蚊有飯有嘢飲，睇落好似好抵咁，所以我朋友就揀咗呢個。我另外個friend就叫咗佢哋嘅沙嗲牛麵常餐，因為我呢個朋友零舍鍾意食常餐，見佢個餐牌個賣相唔錯，所以佢就嗌咗呢個啦。等咗唔係好耐，我哋嘅食物隨即送上，呢啲就係茶餐廳嘅速度我個雲吞雞一嚟到，就見到個份量都即係唔少，好多料都浮晒上嚟，我一睇就覺得我未必食得晒。個雲吞雞味道都唔錯，有三大粒雲吞，比平時食開雲吞麵的size較大，味道食都唔錯，清楚見到有蝦喺入邊。雞嘅份量真係唔少，有成六大嚿雞肉，真係抵食夾大件。個常餐嘅沙嗲牛麵保持到香港茶餐廳嘅水準，個炒蛋亦都味道唔錯，係一個令人滿足嘅常餐。最後就係個西炒飯，見到都係裝滿晒成個碟嘅，個炒飯10分夠火
我哋大家口味都唔同，各自叫咗唔同類型嘅食物。
我就叫咗雲吞雞湯飯，我一睇個餐牌就發覺有啲樣食物，平時茶餐廳都唔會見到有嘅選擇。所以我諗都唔諗就叫咗呢個。今日我突然想試啲平時少見嘅嘢，我仲叫咗個雜果兩份冰添。
我朋友就叫咗個西炒飯，見佢50幾蚊有飯有嘢飲，睇落好似好抵咁，所以我朋友就揀咗呢個。我另外個friend就叫咗佢哋嘅沙嗲牛麵常餐，因為我呢個朋友零舍鍾意食常餐，見佢個餐牌個賣相唔錯，所以佢就嗌咗呢個啦。
等咗唔係好耐，我哋嘅食物隨即送上，呢啲就係茶餐廳嘅速度
我個雲吞雞一嚟到，就見到個份量都即係唔少，好多料都浮晒上嚟，我一睇就覺得我未必食得晒。個雲吞雞味道都唔錯，有三大粒雲吞，比平時食開雲吞麵的size較大，味道食都唔錯，清楚見到有蝦喺入邊。雞嘅份量真係唔少，有成六大嚿雞肉，真係抵食夾大件。個常餐嘅沙嗲牛麵保持到香港茶餐廳嘅水準，個炒蛋亦都味道唔錯，係一個令人滿足嘅常餐。
最後就係個西炒飯，見到都係裝滿晒成個碟嘅，個炒飯10分夠火候，用料亦都好足，可見呢間餐廳落料方面一啲都唔孤寒，食完呢碟西炒飯基本上唔使食下午茶都可以頂到夜晚。
之後我見到個餐牌上面有個阿華田脆脆西多士，我就忍唔住叫咗你讀大家share。西多士好香，一啲都冇煎燶度，配合埋嗰啲阿華田脆脆，口感比普通西多士多咗一個層次。呢個西多士真係會推介比其他朋友。
總括嚟講，呢間係工廈嘅茶餐廳，做到抵食夾大件的要求，環境亦都OK，特別最愛係佢嘅阿華田脆脆西多士，呢個遲吓有機會我會再上嚟吃。
0 瀏覽
0 讚好
0 留言
張貼
