Cocoon (已結業)

📍觀塘 Cocoon觀塘工廈區真係好多隱藏餐廳，今日就嚟到位於豐利工廠大廈嘅呢一間Cafe 。位置唔算好近地鐵站，但係都尚算方便，行5分鐘左右就到，不過因為今日係放工時間去食，行觀塘嘅呢一條路真係搞不掂😹。今日一共叫咗兩個套餐，佢每一個套餐都配有麵豉湯、沙律同飲品，想加特飲就可以另外加錢選擇。٩(˃̶͈̀௰˂̶͈́)و日式咖喱豬扒便當 $78 + 桃味梳打 $38佢嘅便當都有好多唔同種類嘅食物，有炒雜菜、紫薯、春卷等等嘅配菜，所以營養都相當均勻，佢呢一個炸豬扒嘅份量都好多，不過佢嘅咖喱汁就略嫌有啲鹹，如果淡味少少就更加出色，不過佢嘅炸豬扒都好脆。最驚喜係佢嘅土味沙冰超大杯，而且唔算好甜，夏天熱辣辣飲番杯都幾正，不過就要快啲飲，如果流咗就會周圍都係😹秘製日式燒汁豚肉炒麵 $98 + 凍檸茶 $8見到佢呢一個炒麵都好有特色，而實際食落又幾好味，日式醬汁配上豚肉呢一個組合都幾夾，加埋沙律醬就一定冇得輸。另外仲叫咗個雞皮蒜同豚肉串，都係啱啱好烤好咁上碟，所以熱辣辣咁口感都不錯。