醉桃園

營業中

休息中

今晚去咗觀塘工廠區同朋友打邊爐，呢間火鍋店古色古香，配合返個名醉桃園。而且座位都好闊落之餘重有返少少私隱，枱與枱分隔一定距離。湯底-藥膳花雕醉雞，大家都鐘意藥膳嘅味道，有紅棗、黨參、當歸等藥材味道十分濃郁。另外店員教我地以大火煲滾湯底後再浸熟雞件，保持肉質嫩滑。安格斯雪花牛頸脊，夠油脂入口軟腍，有牛味。伊比利亞黑毛豬肋條👍🏻今次唔會輸蝕比個牛，又肉味，而且帶有少少筋多左分口感，但又唔會好靭，意外驚喜～手打鮮蝦丸 & 手打墨魚丸，呢兩個孖寶又係另一必叫，丸丸新鮮彈牙，真材實料。竹笙雲吞，除咗蝦肉外再加咗竹笙，比普通雲吞多了一份爽口。蔬菜叫左唐生菜、粟米、萵筍，只能講新鮮就完勝，而粟米好甜🤤