Boon (已搬遷) 新店位置

位於工廠區嘅小店，位置有啲隱蔽，環境relax同chill～法式多士 $88crepe好薄，質感少少煙韌，加埋雪糕更加好食，雲呢拿雪糕味道自然，有好多雲呢拿籽，士多啤梨微酸，可以中和下雪糕甜味，成個組合酸酸甜甜又開胃又唔滯。香蒜辣蟹肉意粉 $98見到辣蟹肉意粉以為會辣，其實完全唔辣，唔食得辣嘅人都可以點，有唔少蟹肉，蒜油好香唔會好油膩。黑加侖子果茶 $38微甜口感清新，黑加侖子粒粒都好新鮮，成杯嘢飲好健康。朱古力奶泡 $48賣相吸引，朱古力味濃郁唔會好甜，奶泡creamy.