桔梗 (已結業)

之前都有聽過旺角朗豪坊附近有間兩層Cafe叫桔梗，好似話係工廠格局，感覺好大。今日去開朗豪坊行pop up store, 不如就去Cafe開餐。行去油麻地方向見到門口都幾闊落，樓底都有兩層高。門口有咖啡豆，沖咖啡嘅工具賣。好在黃昏五點幾不用排隊就可以就坐，見到Menu有個二人日式套餐，有雞，魷魚，豬腩，三小碟，鮪魚同茶漬飯。套餐最好就係不用選擇，直接order已經有不同種類嘅食物配搭好。最有印象係三小碟同枝豆，枝豆係用蒜蓉加黑椒，蠔配上葱同醬汁，款款小碟都係唔同味，食得出心思來。炒魷魚係用明太子，少少辣辣地再配埋茶漬飯，仲有糖心蛋。燒豬腩肉都幾香口，原來整個套餐嘅份量都幾大。飯後仲有個earl grey 焗芝士蛋糕，好濃郁，再有earl grey sauce令個cheese濕口啲。