鵬達美食

營業中

休息中

今日中午有d事去左屯門天后廟果邊工業區搞，搞完肚餓又未食飯就係附近呢間鵬達美食求其食d野醫肚。入去睇返鋪面唔大，但都有幾張大枱，主要都應該係做返附近返工d工友，餐牌就貼晒係牆，不過好多都係寫價錢，中午有是日午餐日日不同，45蚊左右，價錢黎講還可以。豬扒蛋飯今日先試下最大路既豬扒蛋飯，要左豉油汁，豬扒新鮮炸起熱辣辣，幾香口唔太硬，蛋都煎得幾好，係個飯略腍左dd，都可以接受，茶餐廳基本水準。凍檸茶凍檸茶叫左少甜，茶味都算幾突出，比起好多餐廳既茶底較得好，少甜又真係少甜唔會太淡，杯茶唔錯。整體黎講工業區茶檔黎講都算幾唔錯，係附近做開野既都可以黎食，過條橋就係屯門公園，附近玩開肚餓過黎食下午茶又得，價錢就比較經濟d。