影片
更多
2022-09-03
55 瀏覽
呢日去太子打針，打之前先食個靚午餐🍽，因為之後應該會無胃口幾日。我同朋友去咗幫襯位於汝州街嘅「桂月」，Openrice地址寫係深水埗，但實際上太子行過去近好多🚶♀️。餐廳門口並唔顯眼，從出面睇以為係酒吧，因為第一眼只見到吧枱，不過實際上行入去係有唔少座位的。裝修行工業風，牆身畫上油畫🎨，環境都OK。餐廳提供多款午市套餐🍽，定價介乎$76至$128不等，價錢屬中等水平。度度Cafe都差唔多價格，不過至少呢度嘅出品有水準。香烤春雞煙肉配薯菜($99)，🍗春雞味道唔錯，雖然細細隻，但都幾厚肉，而且肉質細嫩，並散發出微微檸檬酸味🍋，店員其後介紹係因為喺醃製嘅過程中加入咗檸檬汁。雞肉調味相對清淡，反而煙肉就帶來鹹香。薯菜部份同樣吸引，🍟薯條粗幼同麥記差唔多，不過就炸至金黃香脆，再加少少味粉，令人食唔停口。其他伴菜仲有翠玉瓜、茄子同車厘茄等，色彩繽紛。西西里蕃茄醬肉丸意大利粉($88)，🍝呢個意粉好正，無論麵條、醬汁定肉丸都處理得好好。意粉呈扁狀，但又比市面上常見嘅幼身，口感富嚼勁又掛汁。🍅蕃茄醬用上新鮮茄肉打成，微微酸，再加埋芝士同洋蔥，食落惹味，而且感覺天然。肉丸有四大粒，由餐廳自家製作，肉質
呢日去太子打針，打之前先食個靚午餐🍽，因為之後應該會無胃口幾日。我同朋友去咗幫襯位於汝州街嘅「桂月」，Openrice地址寫係深水埗，但實際上太子行過去近好多🚶♀️。
餐廳門口並唔顯眼，從出面睇以為係酒吧，因為第一眼只見到吧枱，不過實際上行入去係有唔少座位的。裝修行工業風，牆身畫上油畫🎨，環境都OK。
餐廳提供多款午市套餐🍽，定價介乎$76至$128不等，價錢屬中等水平。度度Cafe都差唔多價格，不過至少呢度嘅出品有水準。
香烤春雞煙肉配薯菜
$99
3 瀏覽
0 讚好
0 留言
西西里蕃茄醬肉丸意大利粉
$88
1 瀏覽
0 讚好
0 留言
西西里蕃茄醬肉丸意大利粉($88)，🍝呢個意粉好正，無論麵條、醬汁定肉丸都處理得好好。意粉呈扁狀，但又比市面上常見嘅幼身，口感富嚼勁又掛汁。🍅蕃茄醬用上新鮮茄肉打成，微微酸，再加埋芝士同洋蔥，食落惹味，而且感覺天然。肉丸有四大粒，由餐廳自家製作，肉質彈牙，唔會太稔身🐷，食完好滿足。
隨午餐奉送湯同沙律。我哋各要咗一。🥗桂月田園沙律幾大碟，味道清新開胃。精選廚師餐湯係薯蓉忌廉湯🥔，湯嘅口感綿綿的，証明真係用咗好多薯仔煲，一啲都唔馬虎。
總括嚟講，小店用心經營，食物味道不俗，客人係會感受到的👍。餐廳晚上更會化身成為酒吧，有機會都可以再嚟小酬一杯，Chill下😃。
張貼
