慢煮工業 (已結業)

慢煮工業都算係幾抵食既西餐，裝修都好靚，偏工業風。叫左個溫泉蛋卡邦尼意粉，個碗好有趣，唔係平時食西餐用既碟。個意粉食落好creamy，唔會太乾，好香蛋黃味，入面有菇，洋蔥，同埋煙肉，所以食落都好夠味。而且份量都OK ! 之後叫左個經典威靈頓牛柳，出面係酥脆既酥皮，配埋入面既肉好香，唔會乾! 內層係熟度啱啱好嘅牛柳，肉色都仲係好粉嫩，肉質有彈性，不過唔會韌。切個陣仲有D肉汁流出黎架! 另外，入面仲有包住D煙肉，食落好有層次。呢款好推介大家。