邁爵斯 (福華街)

營業中

休息中

月中已經開始有糧尾嘅感覺，朋友見我咁慘情，就話帶我去食個超抵食嘅巨人餐。呢間小店都算有幾多選擇，有意粉、牛角酥、仲有其他特色小食，我以為都係一般平民西餐咁啦！因為唔係好肚餓，所以就諗住扮細食叫一個意粉同埋一份牛角酥share食。呢間小店係要食客自己行出去落單，然後店員就跟住個號碼牌將食物送上你嘅枱面。我自己落咗單之後，先留意到其他食客食緊嘅意粉有幾大碟，我開始心知不妙一送碟意粉嚟我面前，我心諗發生咩事，點解碟意粉可以大碟成咁，起碼要兩個人先食得晒呢個意粉醬汁唔多，不過就充滿着濃濃嘅蒜頭味，如果鍾意食蒜味嘅朋友一定非常鍾意！牛角酥入面嘅餡好澎湃，一啲都唔吝嗇，再配埋大量嘅薯角，真係好抵食！薯角加咗少少蜜糖，鹹脆之中帶點甜，我同朋友都覺得好好食！以呢個份量嚟講，兩個人當然食唔晒啦！不過我哋好慳家打包返去又可以食多一餐喇我哋已經約定下次糧尾再嚟食過！