屏山老地方

營業中

休息中

公眾假期諗住去屏山食嗰午餐，去到華嫂勁多人，小町又冇開，諗住離開之際，突然諗起之前有人介紹過屏山有間好出名食肉餅嘅餐廳，上網一搵原來行兩步就到，就即刻去試吓。一去到要等一陣就入得去。哇，一望到個廚師推介都有好多唔同款嘅肉餅飯，真係唔知點揀好🤣最後，我哋揀咗一個青椒菠蘿牛肉肉餅飯同六重芝士肉餅飯。青椒菠蘿牛肉肉餅一嚟到就真係俾佢個份量嚇親，塊肉餅大個塊面。肉餅好嫩，多汁，有好多碎青椒，不過食唔到我好期待嘅菠蘿嘅。六重芝士肉餅飯好似漢堡包啲肉咁，好滑，芝士味好重，芝士仲可以拉絲。鍾意食芝士嘅人會好鍾意！頭嗰幾啖真係好正，不過食下食下就會覺得有少少膩，同重口味。