影片
更多
2021-08-25
235 瀏覽
我久仰豬門店「The Salted Pig」大名好耐了，嚟到沙田再次見到呢隻豬就決定食佢🐽。新城市廣場果然無時無刻都咁多人，我哋傍晚時份去食都要等一陣先入得，莫講再晏啲嘅高峰時間呢。餐廳面積幾大，座位數量多，餐枱亦都夠晒大張。我哋早食，所以有幸獲安排坐喺卡位，隔離牆身係一塊養豬場，哈哈，好鬼得意🐖。Crispy Pork Knuckle($298)，招牌德國鹹豬手係店員嘅重點推介👍，佢話如果客人唔嗌，都一定會嘗試說服佢哋改變心意。我見餐牌寫豬手重1公斤適合2人分享，心諗應該係中等Size，點知實物係巨巨無霸，超爆大隻，4人都夠食。豬手整得超好味道😋，經過低溫慢煮以及高溫油炸嘅製法，以達至外皮酥脆兼肉質細嫩嘅效果，果然不負專門店之名。另一邊廂，豬手經歷三日三夜鹽水沉漬，所以鹹味都明顯，不過又未算過火。伴菜有烤薯🥔、紅蘿蔔條同埋酸菜，但份量比起肉實在少太多，唔夠喉！芥末籽忌廉汁就麻麻哋，味道好淡，但好彩豬手本身已經好夠味。Grilled Chicken Breast Cobb Salad($138)，估唔到餐廳連沙律都大份過人🥗，身旁嘅男生話齋食呢碟都已經飽咗。主角燒雞胸好大塊，可以切成八
我久仰豬門店「The Salted Pig」大名好耐了，嚟到沙田再次見到呢隻豬就決定食佢🐽。新城市廣場果然無時無刻都咁多人，我哋傍晚時份去食都要等一陣先入得，莫講再晏啲嘅高峰時間呢。
餐廳面積幾大，座位數量多，餐枱亦都夠晒大張。我哋早食，所以有幸獲安排坐喺卡位，隔離牆身係一塊養豬場，哈哈，好鬼得意🐖。
Crispy Pork Knuckle
$298
22 瀏覽
0 讚好
0 留言
Grilled Chicken Breast Cobb Salad($138)，估唔到餐廳連沙律都大份過人🥗，身旁嘅男生話齋食呢碟都已經飽咗。主角燒雞胸好大塊，可以切成八片，而肉質亦難得唔嚡🐔。雞肉以外嘅配料好豐富，包括羅馬生菜、豬腩肉粒、烚蛋、青瓜、生洋蔥、車厘茄以及菲達芝士等，成個組合夾埋唔錯。
Forest Mushroom Risotto($168)，雜菌松露意大利飯口味正宗，因為啲米煮到好似生米咁就啱㗎喇🍚，口感係硬啲，但呢個正正係特色所在。同時，個飯配以大量菇菇🍄，正啊。意大利飯採用芝士忌廉汁，好Creamy，但食食吓難免都係有啲漏，同埋本身食豬手都已經食到好飽。
Banoffee Pie($88)，甜品比起鹹食稍為遜色，不過都OK嘅。甜品有三部份，包括香蕉拖肥批、朱古力雪糕同埋焦糖香蕉🍌。拖肥批好甜好邪惡，面頭有堆忌廉，下低係朱古力慕絲同拖肥醬。我自己就比較鍾意球雪糕，🍫朱古力味濃郁。
Apple Gin Mile
$68
11 瀏覽
0 讚好
0 留言
總括嚟講，餐廳嘅食物出品幾有水準，齋睇定價覺得屬中等偏高水平，不過知道樣樣都咁大碟之後，就即刻加咗分😆。呢度係一大班朋友聚會嘅好地方呢。最後，佢嘅鹹豬手更係值得再次提及同推介🐷！
張貼
