影片
更多
2010-12-20
194 瀏覽
親戚朋友們都好鍾意食Cafe Too既自助餐，唯獨小弟唔係好欣賞buffet，因為食物多數都唔夠熱，所以除非有人請，唔係我係唔會幫襯既。作為酒店內既餐廳，Cafe Too 既服務同衛生都有信心既保証。室內設計方面：門口個酒櫃非常瞩目，光猛得黎排列得好整齊；個人感覺開放式廚房靚過客人坐既地方。裝修上另外一個問題係近窗既位好曬：當日我個背脊熱到連冷氣都感受唔倒。各款菜式既周圍都有師傅現場煮製同監督，睇得出對食物既要求好認真。其中最欣賞既係佢個四川美食corner： 鮮蝦粉皮：師傅好用心喺我地面前慢慢刨粉皮。粉皮好幼嫩，醬汁既份量適中，唔會太乾或太濕；蝦亦好鮮甜爽口，冷盤推介一！ 麻辣雞絲：為麻辣雞絲加醬汁前，師傅會先問每位食客愛辣既程度繼而調整，非常細心。雞絲嫩滑，雞味冇被濃郁既麻辣醬汁完全蓋哂，好難得。為食既我重攞多幾碟黎加入湯河食，味道認真頂瓜瓜。必吃推介二。 比較起上黎，佢既日式食品就唔係咁吸引啦。三文魚，吞拿魚，立魚等刺身都比一般差：色澤暗淡，亳無油份，食落完全冇魚味，更談不上新鮮，真係好似隔左幾晚夜咁。因為個飯做得唔好，佢既軟殼蟹卷同其他壽司卷物都非常麻麻，擺得出黎太耐Ｄ飯都變得
作為酒店內既餐廳，Cafe Too 既服務同衛生都有信心既保証。室內設計方面：門口個酒櫃非常瞩目，光猛得黎排列得好整齊；個人感覺開放式廚房靚過客人坐既地方。裝修上另外一個問題係近窗既位好曬：當日我個背脊熱到連冷氣都感受唔倒。
各款菜式既周圍都有師傅現場煮製同監督，睇得出對食物既要求好認真。其中最欣賞既係佢個四川美食corner：
鮮蝦粉皮：師傅好用心喺我地面前慢慢刨粉皮。粉皮好幼嫩，醬汁既份量適中，唔會太乾或太濕；蝦亦好鮮甜爽口，冷盤推介一！
麻辣雞絲：為麻辣雞絲加醬汁前，師傅會先問每位食客愛辣既程度繼而調整，非常細心。雞絲嫩滑，雞味冇被濃郁既麻辣醬汁完全蓋哂，好難得。為食既我重攞多幾碟黎加入湯河食，味道認真頂瓜瓜。必吃推介二。
比較起上黎，佢既日式食品就唔係咁吸引啦。三文魚，吞拿魚，立魚等刺身都比一般差：色澤暗淡，亳無油份，食落完全冇魚味，更談不上新鮮，真係好似隔左幾晚夜咁。因為個飯做得唔好，佢既軟殼蟹卷同其他壽司卷物都非常麻麻，擺得出黎太耐Ｄ飯都變得又涷又硬又乾。
見大家都大讚龍蝦同其他海鮮咁正，所以小弟都攞左一大碟試下：龍蝦雖然肉質唔嚡，但味道普通，唔係特別鮮甜；生蠔好細隻，唔肥得黎重有少少押味，完全唔掂。當日見唔到其他食家所講既芝士焗蠔，鐡板燒帶子或鵝肝，好失望，唔知係咪夜晚先有呢？
中式點心，小菜區既食物水平一般，蝦餃，燒賣，叉燒包，燒味都冇乜特別。小菜有豬，牛，雞，海鮮，菜：比較特別既係炒得好晶瑩剔透既蝦：雖然好透明，但係食過真係熟架，重好爽口。
原盅燉烏雞湯：食到一半，突然聽倒有人打哂響鑼，咁更係走過去八下啦，原來夠鐘排隊攞燉湯。師傅真係一盅一盅喺個大缻攞出黎架。第一輪攞唔倒唔洗驚，因為派完會再燉，重有第二次機會。盅頂係個好可愛既笑佛。每盅湯內都有烏雞件，好足料，好甜好暖胃。值得排隊推介三。
湯麵吧：都係好standard 既河粉，米粉，雲吞麵等配各種肉類，海鮮，魚蛋丸餃頪，同蔬菜。湯底好有味精feel，所以食完好口乾。友人試左佢既東陰功湯底話唔係好精彩，我介紹既普通湯底加麻辣雞絲野味好多。
印度咖哩：屋企整嗰Ｄ咖哩好似好食好多，不過可能喺人地正宗得唔啱自己口味而已。個naan做得好夠新鮮鬆化，所以都值得推介。
甜品區：中式，西式，熱食，涷食，糖水，糕點，西餅，雪糕，生果，眼花撩亂，好多選擇。每樣都細細件，比個機會大家試多幾款。中式甜品既佈置懷舊得好有心思，有新派既楊枝金露，亦有舊派既紅豆沙。除左好多地方都有既即叫即焗Soufflé外，重有我的最愛 ~ 香煎crepe/pancake。Crepe/pancake可以淨食或叫師傅加入水果，nuts，雪糕包製。
張貼
