ASOK THAI GARDEN

營業中

休息中

話說今日同朋友慶祝生日，諗住喺呢間餐廳度食嘢，喺晏晝嘅時候我就已經打電話叫定甜品 想去甜品個碟度寫Happy birthday。 打去嘅時候個侍應啲態度都已經唔係咁好，不過唔緊要，可能只係咁啱嗰個同事態度唔好，食完飯我開始叫佢上甜品正常應該都會執枱 ，佢哋淨係俾咗兩個甜品碟張枱完全冇執到之後就想甜品 ，有兩碟食物係食完，有兩碟係食唔晒諗住拎走，所以叫侍應拎兩個外賣盒俾我， 之後個侍應就係咁擺低咗兩個外賣盒好似冇諗住幫我執枱咁， 同酒樓食飯冇分別 ，最嬲嘅係個甜品冇寫到Happy birthday之餘都冇蠟燭， 好彩我當時自備咗蠟燭，喺張枱咁亂嘅情況底下另一位侍應就即刻隊咗張單，我覺得成個感覺都好差， 喺OpenRice訂位，所以正常應該會有八折優惠，嗰時我冇為意就俾正價嘅價錢，夜晚諗返起就覺得好唔抵 ，都好後悔去咗呢間度食飯。