影片
更多
2008-02-27
2 瀏覽
第一次去食，亦都係最後一次去食。服務唔講，因為無，亦都無要求。要左三樣野：玉子豆腐酸辣髮絲麵、馬拉醬菜心、咸魚雞卷焗飯。從來抱同一個心態去試新菜，要一個基本菜，要一個招牌菜，敢樣試對餐廳比較公度。基本菜做得唔好，其它菜想好都難，招牌菜更加唔使講。個麵唔好食，湯還湯、麵還麵，湯和麵最基本的Marriage係無，湯無用心做過，麵就用又有粗又幼的麵餅。菜心個醬做個好，但係菜心就用用黎伴麵個D，又係無心，如果肯用棵新鮮菜去煮我相信呢個會係一個做得好出色既菜。所以一個餐廳廚師有無心，有無誠意去做菜一睇就知，同一個廚做出黎既都只會係fast food。個飯有隻蟻起個餐牌上面應該係招牌菜，招牌菜唔好食就係拆自已招牌，曾經試過去一間餐廳叫過好多菜，就只有招牌菜好食，其它全部難食，所以以後都先follow呢個方法去試新菜。講返個飯，未去到難食，但一定唔係好食。無心做出黎既菜都預左唔好食，最能特出個雞卷既就係咸魚，但咸魚無味，可惜。雞卷切左先放飯面去焗又係一個無心既做法，雞卷外脆內軟，吃時雞既肉汁和咸魚既咸香起口腔裡徘徊的感覺應該很好，算！去之前唔知道佢係快餐店，但係大家樂焗個飯都比佢好食好多。曾經有個朋
服務唔講，因為無，亦都無要求。
要左三樣野：玉子豆腐酸辣髮絲麵、馬拉醬菜心、咸魚雞卷焗飯。
從來抱同一個心態去試新菜，要一個基本菜，要一個招牌菜，敢樣試對餐廳比較公度。基本菜做得唔好，其它菜想好都難，招牌菜更加唔使講。
個麵唔好食，湯還湯、麵還麵，湯和麵最基本的Marriage係無，湯無用心做過，麵就用又有粗又幼的麵餅。
菜心個醬做個好，但係菜心就用用黎伴麵個D，又係無心，如果肯用棵新鮮菜去煮我相信呢個會係一個做得好出色既菜。所以一個餐廳廚師有無心，有無誠意去做菜一睇就知，同一個廚做出黎既都只會係fast food。
個飯有隻蟻起個餐牌上面應該係招牌菜，招牌菜唔好食就係拆自已招牌，曾經試過去一間餐廳叫過好多菜，就只有招牌菜好食，其它全部難食，所以以後都先follow呢個方法去試新菜。講返個飯，未去到難食，但一定唔係好食。無心做出黎既菜都預左唔好食，最能特出個雞卷既就係咸魚，但咸魚無味，可惜。雞卷切左先放飯面去焗又係一個無心既做法，雞卷外脆內軟，吃時雞既肉汁和咸魚既咸香起口腔裡徘徊的感覺應該很好，算！
去之前唔知道佢係快餐店，但係大家樂焗個飯都比佢好食好多。曾經有個朋友開餐廳的我問佢餐廳係唔係D野要好好食先會多人去，佢話D野唔使好食都自然會有人去，最緊要係地點。希望食評可以提高人對食的一點點要求，令好、有心做好食物的餐廳一直生存落去！
張貼