影片
更多
2023-02-07
442 瀏覽
農曆新年要清假，所以可以平日中午出去食好西😋。我哋揀咗想食好耐嘅「Braza Churrascaria Brazilian Steakhouse」，餐廳位處於中環蘭桂坊，中午時份不乏附近嘅上班一族。餐廳環境光猛開揚，店內裝修滿有南美森巴氣息🌺🦜，店員全部都係外藉人士，要用英文溝通，但佢哋都幾友善。餐廳設有巴西風味嘅自助午餐Brazilian Style Lunch🇧🇷，每人承惠$158，包多款前菜、沙律、冷盤同熱食等。不過一場嚟到呢度，又點可以錯過佢哋嘅燒肉呢？每人額外加多$98就可享任食烤肉Churrasco🍖，所有嘢夾夾埋埋人均$300有找，喺中環區食個三道菜午餐都要差唔多價啦。我哋坐低冇耐，店員先為我地送上麵包籃🥖，入面有牛油餐包同芝士條，麵包軟熟、暖笠笠。如果唔係有咁多嘢食，我哋會Encore。先講烤肉部份，枱面上有一個圓形墊，綠色嗰面寫住I am still Hungry，店員見狀就會自動自覺拎住啲肉走埋嚟🤣。我哋好貪心，樣樣都食，所以進食過程好忙碌，哈哈。枱上有兩款醬汁，分別係經典阿根廷青醬Chimichurri🌿同唔辣嘅紅椒醬(?)。店員出動頻率高，所以我哋前前後後應該食
農曆新年要清假，所以可以平日中午出去食好西😋。我哋揀咗想食好耐嘅「Braza Churrascaria Brazilian Steakhouse」，餐廳位處於中環蘭桂坊，中午時份不乏附近嘅上班一族。
餐廳環境光猛開揚，店內裝修滿有南美森巴氣息🌺🦜，店員全部都係外藉人士，要用英文溝通，但佢哋都幾友善。
餐廳設有巴西風味嘅自助午餐Brazilian Style Lunch🇧🇷，每人承惠$158，包多款前菜、沙律、冷盤同熱食等。不過一場嚟到呢度，又點可以錯過佢哋嘅燒肉呢？每人額外加多$98就可享任食烤肉Churrasco🍖，所有嘢夾夾埋埋人均$300有找，喺中環區食個三道菜午餐都要差唔多價啦。
我哋坐低冇耐，店員先為我地送上麵包籃🥖，入面有牛油餐包同芝士條，麵包軟熟、暖笠笠。如果唔係有咁多嘢食，我哋會Encore。
先講烤肉部份，枱面上有一個圓形墊，綠色嗰面寫住I am still Hungry，店員見狀就會自動自覺拎住啲肉走埋嚟🤣。我哋好貪心，樣樣都食，所以進食過程好忙碌，哈哈。枱上有兩款醬汁，分別係經典阿根廷青醬Chimichurri🌿同唔辣嘅紅椒醬(?)。
店員出動頻率高，所以我哋前前後後應該食咗七至八款肉🥩，老實講詳細部位就唔太記得清楚，不過每款肉都各具特色，而且真係燒得好靚，火候啱啱好。店員切出嚟嘅時候，肉身呈嫩粉紅色💕，而且仲充滿肉汁。
Picanha
24 瀏覽
0 讚好
0 留言
如果我冇記錯，好似有食咗西冷Sirloin同封門柳Hanger Steak。由於切得夠厚，所以食落好夠口感。店員溫馨提示啲肉要切完趁熱食🙈，其實我影完即刻食㗎啦。
另外我亦食咗Flank Steak，牛腰肉脂肪較少，食落肉味較弱，冇其他幾款咁吸引，又或者可能因為係尾段🤔。
Dingley Dell Pork Rib Eye
4 瀏覽
0 讚好
0 留言
豬肉眼Dingley Dell Pork Rib Eye🐷，豬扒肉質難得唔嚡，而且肥瘦分明。我亦好欣賞廚師生熟度處理得好好，豬一定唔可以生嘛。
香腸Pork Sausages🌭，香腸非常粗大，一條一個人冇可能食得晒，好彩店員會問你想要幾多。香腸肉質幾爽，鹹香味濃、唔過火。
雞翼Marinated Chicken Drummets輕輕醃咗味🍗，雞皮微脆，肉質細嫩，但未有太大驚喜。
食到咁上下，我哋都差唔多，所以枱上面個墊就轉向紅色嗰面No More Thank You⛔️🙏🏻。
下半部份就講自助餐All-you-can-eat，餐廳中間有一大張長枱放滿食物，食物會不斷補充，所以可以慢慢食，唔使急😉。同時，衛生情況良好，食物無跌到周圍都係。
冷盤嘅菜式幾吸引，包括有🥓風乾火腿Parma Ham、🐟吞拿魚生魚片Tuna Tiradito、鴨胸Duck Breast同🧀大芝士Emmental Cheese等。
沙律亦有多個款式🥗，例如有🥔薯仔沙律Potato Salad同藜麥Quinoa Salad。當然佢亦有原味沙律菜同醬汁自己組合Mix and Match。另一邊廂，海鮮就唔算多，但有魷魚🦑同青口，兩者都幾新鮮。
自助區仲有其他開胃菜同食物，我哋每樣都試咗啲。呢餐食咁多肉，好彩都叫做有啲蔬菜中和一下，包括南瓜🎃、茄子🍆、酸黃瓜🥒、青瓜同燒雜菜🥦等。藏紅花飯Saffron Rice用上印度香米，米粒長長的，夠乾爽🍚。牛脷Beef Tongue浸泡油內，佢同長通粉Pasta一樣，調味偏淡，一般般。
熱食方面🔥，我哋試咗紅蘿蔔湯Carrot Soup🥕、慢煮黑豆燉肉Slow-cooked Feujoada同蒜蓉飯Garlic Rice。蒜蓉飯帶微微油香🧄，唔油膩；而燉牛肉就頗特別，味道出奇地唔鹹，啲豆炆到腍晒🫘，食落都幾飽肚。
飯後甜品要另加錢，不過水果就係任食，當中有蜜瓜、哈密瓜🍈、西瓜🍉同菠蘿等🍍，全部都甜甜的。
我哋嗌咗兩杯特飲($78)，分別係Brazilian Lemonade同Avocado Lime Smoothie，兩杯都同檸檬有關🍋，甜度適中，飲落好清爽！前者係巴西特色嘅檸檬特飲，外面有多一層白色汽泡。另一杯係青檸牛油果沙冰🥑，牛油果肉打得好溶，飲落還原度高。
總括嚟講，我哋第一次食巴西菜，感覺同阿根廷菜以及秘魯菜有啲相似，共通點都係瘋狂食肉😜，你睇美斯世界盃為咗食燒肉 住大學宿舍就知乜料啦。我認為呢個價錢可以喺中環區任食，其實真係唔算貴，如果係食肉獸嘅話，不妨一試啊！
張貼
