影片
更多
2020-07-11
647 瀏覽
銅鑼灣價格晚市泰菜，環境比較細但因為本身澳門逸園嘅建築面積唔係大，但仍然都坐得舒服，枱之間有隔板保持食客嘅衛生同安全。三個人分別叫咗3前菜2主菜1甜品，HKD900賣單。八隻生蝦，海鮮我無食，同枱友人形容蝦肉比較無味，要靠一同上嘅5種唔同醬汁輔助一下 ，呢個可以選擇唔叫 。豬肉沙爹串，豬肉非常之"林"，唔會柴亦都保持到豬肉裏面嘅肉汁，豬肉外邊有做到焦脆，加埋沙嗲汁 perfect。同埋每一串肉唔會細細粒，件頭都幾大，呢個性價比幾高。炸通菜， 個感覺就是你去食日式蔬菜天婦羅，我食唔到本身通菜原有嘅味道同埋質感，食到一口脆漿嘅感覺，比較似下酒菜或炸洋蔥。咖哩雞配薄餅2份，正常冇乜非常之特別亦都唔差，反而係個薄餅煎得較為油咗少少。雞肉炒河粉，呢個做得幾好，如果唔係食得辣嘅人可能要睇吓師傅做唔做到少辣，因為一放入口之後個辣勁都幾犀利，但係非常之惹味 。最驚喜就係佢嘅泰式芒果煎糯米飯，係冇錯，係煎。所以佢比起傳統嘅糯米飯多咗個香脆嘅效果，就好似新年大家食煎年糕嘅感覺，配上比較甜嘅椰漿同埋酸嘅芒果，呢個配搭我覺得非常之加分。整體嚟講價錢亦都符合返銅鑼灣嘅價格，或者我會比較偏向食佢嘅午市套餐，會比較
三個人分別叫咗3前菜2主菜1甜品，HKD900賣單。
八隻生蝦，海鮮我無食，同枱友人形容蝦肉比較無味，要靠一同上嘅5種唔同醬汁輔助一下 ，呢個可以選擇唔叫 。
豬肉沙爹串，豬肉非常之"林"，唔會柴亦都保持到豬肉裏面嘅肉汁，豬肉外邊有做到焦脆，加埋沙嗲汁 perfect。同埋每一串肉唔會細細粒，件頭都幾大，呢個性價比幾高。
炸通菜， 個感覺就是你去食日式蔬菜天婦羅，我食唔到本身通菜原有嘅味道同埋質感，食到一口脆漿嘅感覺，比較似下酒菜或炸洋蔥。
咖哩雞配薄餅2份，正常冇乜非常之特別亦都唔差，反而係個薄餅煎得較為油咗少少。
雞肉炒河粉，呢個做得幾好，如果唔係食得辣嘅人可能要睇吓師傅做唔做到少辣，因為一放入口之後個辣勁都幾犀利，但係非常之惹味 。
最驚喜就係佢嘅泰式芒果煎糯米飯，係冇錯，係煎。所以佢比起傳統嘅糯米飯多咗個香脆嘅效果，就好似新年大家食煎年糕嘅感覺，配上比較甜嘅椰漿同埋酸嘅芒果，呢個配搭我覺得非常之加分。
整體嚟講價錢亦都符合返銅鑼灣嘅價格，或者我會比較偏向食佢嘅午市套餐，會比較抵食同埋性價比會比較高。
生蝦
$149
25 瀏覽
0 讚好
0 留言
豬肉沙嗲
26 瀏覽
0 讚好
0 留言
泰式芒果煎糯米飯
37 瀏覽
0 讚好
0 留言
張貼
