手拉麵小廚

營業中

休息中

手拉麵一向係新蒲崗都好出名，但今次無食到小籠包，但幾乎枱枱都有叫。兩個人叫左一個羊肉湯拉麵（$60）、一個回鍋肉炒拉麵（$60）、一個雞絲粉皮（$50）、一個酸辣湯($70)佢啲麵係師傅係廚房即拉既，見到粗幼不一，咬落去都十分煙韌好食，羊肉夠羶，好食，連啲菜都有陣羊味😋回鍋肉炒拉麵好有鑊氣，腩肉數量都唔少，仲有椰菜、豆干，但腩肉可以見少少，有少少乾。雞絲粉皮好香麻醬味，份量適中，夠2-3人一齊食。酸辣湯就個人口味黎講，覺得唔夠辣同酸左啲，同埋70蚊黎講又好似唔太值得。叫左2個主食，一個小食，一個湯，加埋2百幾，麵都幾好食既，行過可以一試。