惠 (已結業)

夜晚同同事去咗灣仔食onakase，餐廳入口有棵楓樹裝飾 好易認到，環境光猛企理，店員服務很棒 會不停幫你加茶👍🏻👍🏻 聽講呢度嘅料理係師承米芝蓮星級名廚，即刻超高expectation🤩🤩 不過要留意番 座位唔算好多，想食嘅務必要訂枱！以下為當晚🌟星級推介🌟［毛蟹］師傅會提醒你食用時將一邊嘅蟹膏拌入蟹肉同吃。毛蟹肉口感一梳梳，本身味道清甜，加埋蟹膏香濃嘅味道，配搭得剛剛好🙌🏻 毛蟹腳同樣鮮甜，海水鮮味較蟹肉重。［日本馬友 配橘子啫喱］見到一旁嘅綠色啫喱狀物體，竟然係橘子味嘅果凍🫢 食法為先食魚，再食啫喱。薄薄既魚皮燒得香脆，睇相都知好厚肉 肉質細膩。橘子啫喱味道酸酸甜甜的，助燒物解膩一絕😚［銀鱈魚 配黑松露醬］銀鱈魚其實平時屋企都食唔少，但佢呢度嘅選材同埋做法 令我體驗到前所未有嘅銀鱈魚質感🤤 表面應該微微火炙過，絕對可以用入口即溶嚟形容，超香油脂味呢🤟🏻［白海膽］白海膽比較厚身，而份量亦都挺澎湃的，味道比普通海膽更鮮甜味甘，勁、好、食！師傅話呢款因此較適合做壽司🍣