影片
更多
2022-10-27
83 瀏覽
想近近地喺將軍澳食日本嘢，記得之前經過呢間餐廳門面幾有日本feel，今次就去試吓啦！餐廳主打鐵板燒，但見到新menu有moonba鍾意嘅壽喜燒，而且一樣有師傅席前主理，所以就揀咗呢個套餐(๑˃̵ᴗ˂̵).🇯🇵 宮崎和牛壽喜燒套餐 $680/位.🐟 季節三點刺身三款刺身都好新鮮，鰹魚微微火炙逼出魚油，令魚肉更香滑。帶子肉質鮮甜，配上檸檬片多一份清新味道。甜蝦肥美飽滿，肉質爽彈。.🥚 茶碗蒸茶碗蒸入口鮮濃高湯味道，蛋蒸得幾嫩滑，裏面加咗冬菇鮮蝦等，再鋪上三文魚子更添鮮味。.🥩 A4宮崎和牛(160g)和牛色澤鮮嫩，油花分佈均勻，師傅先用牛油脂開爐，和牛落少少海鹽每邊煎一煎，再落壽喜燒汁煎到微微焦香。和牛吸收香濃壽喜燒汁，唔會太甜亦唔會蓋過牛味，蘸上蛋汁食，肉質柔軟口感細膩，滋味滿足(´∀｀).🥬 季節野菜季節野菜一樣用壽喜燒汁煎煮，皇帝菜、洋蔥、旺菜爽口又keep到水份，豆腐表面微脆裡面綿密，冬菇、芋絲吸收晒壽喜燒汁好入味。.🍚 壽喜燒和牛飯白飯鋪上炒蛋同和牛粒，加上壽喜燒汁甜甜地，開胃又飽足。.🥣 麵豉湯、漬物麵豉湯正常發揮，醃蘿蔔、牛蒡甘甜爽脆。.🍮 甜品甜品有牛乳奶凍配士多啤梨醬 + 黃
.
🇯🇵 宮崎和牛壽喜燒套餐 $680/位
.
🐟 季節三點刺身
三款刺身都好新鮮，鰹魚微微火炙逼出魚油，令魚肉更香滑。帶子肉質鮮甜，配上檸檬片多一份清新味道。甜蝦肥美飽滿，肉質爽彈。
.
🥚 茶碗蒸
茶碗蒸入口鮮濃高湯味道，蛋蒸得幾嫩滑，裏面加咗冬菇鮮蝦等，再鋪上三文魚子更添鮮味。
.
🥩 A4宮崎和牛(160g)
和牛色澤鮮嫩，油花分佈均勻，師傅先用牛油脂開爐，和牛落少少海鹽每邊煎一煎，再落壽喜燒汁煎到微微焦香。和牛吸收香濃壽喜燒汁，唔會太甜亦唔會蓋過牛味，蘸上蛋汁食，肉質柔軟口感細膩，滋味滿足(´∀｀)
.
🥬 季節野菜
季節野菜一樣用壽喜燒汁煎煮，皇帝菜、洋蔥、旺菜爽口又keep到水份，豆腐表面微脆裡面綿密，冬菇、芋絲吸收晒壽喜燒汁好入味。
.
🍚 壽喜燒和牛飯
白飯鋪上炒蛋同和牛粒，加上壽喜燒汁甜甜地，開胃又飽足。
.
🥣 麵豉湯、漬物
麵豉湯正常發揮，醃蘿蔔、牛蒡甘甜爽脆。
.
🍮 甜品
甜品有牛乳奶凍配士多啤梨醬 + 黃豆粉蕨餅配紅豆。奶凍奶香幼滑，配上士多啤梨醬多份香甜。蕨餅煙靭Q軟沾滿黃豆粉，搭配紅豆或黑糖蜜一齊食，甜度啱啱好。
.
總括而言：餐廳以深木色日系設計為主調，簡約低調，環境舒適寧靜，服務都好好。席前師傅係比較少見嘅女師傅，親切細心，會同你傾下計，又會配合你食嘢嘅速度，用餐體驗同食物質素都相當不錯(＾ω＾)
張貼
