朱敏記桑拿菜 (已結業)

同朋友講起好耐冇食大排檔啦，趁依家天氣涼涼地，渣車去左呢間位於土瓜灣#朱敏記桑拿菜，之前已經食過一次🤣環境都算乾淨淨企理，坐得舒服既，有兩道菜特別好味。藤椒鵝腸(唔係度度食到)朋友平時好少食內藏，但呢道菜佢都讚不絕口。鵝腸十分爽口，帶點香辣，係幾惹味架。小炒田螺肉質豐富腴细膩，味道鮮美，夠哂厚肉，而且份量都幾多，送酒一流。當日仲叫左好多其他小菜，真係食得好滿足。聽講呢間鋪係365日無休，見到老闆同啲客人有講有笑，好有親切感 。