莆田 (已結業)

福建菜係香港好少地方有得食知道屋企附近開咗間連鎖米之蓮一星嘅福建菜餐廳於是特登帶屋企人黎食屋企人係福建人，佢哋知道附近有福建菜食所以都好期待爸爸一入座後即係度講莆田原來係一個比較純樸既地方，海產較豐富既然海產豐富啲，我地就試下佢既莆田二人紫菜頭水套餐蝦苗伴頭水紫菜依個好好味頭水紫菜好滑，經調味再拌勻好開胃，作為前菜一流九轉小腸其實本身我麻麻地食內臟感覺好似咬唔開咁但依度個九轉小腸卻令我刮目相看師父將小腸入面的脂肪層刮走後再將咁多層小腸套埋一齊再同鹵水煮好稔好入味，完全打破左一直對內臟的看法而且下面仲有火燒住，保存住個溫度一品紫菜煎賣相好似蚵仔煎以為係普通蛋餅點知一用筷子整開入邊有好多好滑嘅紫菜味道調配得好好，唔會好鹹好好味百秒黃花魚用一個砂鍋載着新鮮嘅黃花魚配埋薑一齊煮薑嘅辣味可以辟走魚既腥味湄州島紫菜燜飯 好似糯米飯，黏黏的紫菜既滑，連埋飯、肉碎一齊食都好易入口味道比上海菜飯再濃少少食幾個前菜後，再食埋飯，好飽好滿足