影片
更多
2019-07-12
62 瀏覽
法國餐俾人嘅感覺就係要食好耐、好浪漫同好高級，對我而言都唔例外，所以喺男朋友生日呢日，我就揀左一間法國日本Fusion菜餐廳Le Rêve。我早喺一星期前就打電話去book枱，當時服務員就同我講解當日嘅餐單，有4 shades menu ($590)、6 shades menu ($890) 同 8 shades menu ($1190)，因為我地得兩個人，所以我地就揀左6 shades menu，轉左其中一道main course做和牛（可以試哂兩道main course），再加左$80轉左甜品做chocolate trio（因為我男朋友好鐘意食朱古力）。去到當日，一上到就覺得成個環境非常浪漫，昏黃嘅燈光配上柔和嘅音樂，加上羽毛同捕夢網的裝飾，令人覺得成件事好match佢地餐廳的主題「夢」。一坐低就有服務員同我地確認餐單，仲俾左一個menu with pairing wine我地，但因為我有點不勝酒力，所以最後只係叫左一杯紅酒同一杯virgin mojito。冇幾耐就服務員送上用麻布袋裝住嘅法式麵包、唧成花嘅牛油同貌似蠟蠋嘅濕紙巾，麻布袋可以保存法式麵包嘅溫度，令食客無論幾時都可以食
去到當日，一上到就覺得成個環境非常浪漫，昏黃嘅燈光配上柔和嘅音樂，加上羽毛同捕夢網的裝飾，令人覺得成件事好match佢地餐廳的主題「夢」。一坐低就有服務員同我地確認餐單，仲俾左一個menu with pairing wine我地，但因為我有點不勝酒力，所以最後只係叫左一杯紅酒同一杯virgin mojito。冇幾耐就服務員送上用麻布袋裝住嘅法式麵包、唧成花嘅牛油同貌似蠟蠋嘅濕紙巾，麻布袋可以保存法式麵包嘅溫度，令食客無論幾時都可以食到新鮮熱辣嘅麵包，真係幾細心架！
每一道菜上嘅時候都會有服務員去講解每一道菜的配料、做法、食法，其中最有驚喜嘅菜式係兩道surprise dish，無論係裝飾同味道都好特別，雖然兩道菜都有龍蝦，不過一個係龍蝦殻蓋住蟹肉蛋沙律配上rasberry同mango醬汁，另一個係原隻龍蝦配波菜分子料理醬汁、mustard seed cream sauce等，配上唔同醬汁會有唔同食法，好出色！
另外值得一讚嘅係個甜品，本身我並唔鍾意食椰子，特別係椰絲，但呢個椰子mousse嘅甜品改變左我嘅諗法，佢用朱古力做左一個椰子殻，再加椰子mousse，加上椰絲，就咁食會覺得冇乜特別，食落唔會太甜，亦唔會太重椰子味，但當你加上佢其他配料（蛋白糖餅、橙糖絲、空氣感白朱古力同Mango sauce），mix埋一齊就好有驚喜，食落有幾重口感，好香橙味，有一種好fresh嘅甜味融化係口中。而個Chocolate trio就用左唔同濃度嘅朱古力去整，唔會話好特別，都唔會話唔好食：）
如果鍾意法國Fusion菜而又唔介意價錢少貴嘅你，不妨一戰呢間餐廳架！
1 瀏覽
0 讚好
0 留言
1 瀏覽
0 讚好
0 留言
0 瀏覽
0 讚好
0 留言
4 瀏覽
0 讚好
0 留言
2 瀏覽
0 讚好
0 留言
2 瀏覽
0 讚好
0 留言
4 瀏覽
0 讚好
0 留言
2 瀏覽
0 讚好
0 留言
0 瀏覽
0 讚好
0 留言
1 瀏覽
0 讚好
0 留言
0 瀏覽
0 讚好
0 留言
張貼
